ئەڤرۆ رۆژا دوویێ کۆربەندا ئاشتی و ئاسایشا رۆژهەڵاتا ناڤەراست ل دهۆکێ تێدا سەرۆک وەزیرێن هەرێما کوردستانێ دێ پانێلەک هەبیت.
ئەڤرۆ سێشەمبی 21/11/2023، کارێن کۆربەندا ئاشتی و ئاسایشا رۆژهەڵاتا ناڤەراست ب درێژەدان ب بەرنامێ خۆ دێ پانێلێن بەردەوام هەبن، کۆ دووهی ب گوتارا خێرهاتنا مەسرور بارزانی، سەرۆکێ حکوومەتا هەرێما کوردستانێ، کارێن خۆ دەسپێکر.
مەسرور بارزانی ، راگەهاند کۆ ئارمانجا کۆربەندا ئاشتی وئاسایشا رۆژهەڵاتا ناڤەراست، بۆ چارەسەرکرنا ئاریشێن رۆژهەڵاتا ناڤەراستە.
سەرۆکێ حکوومەتێ گوت ژی :ئەم هەمی دزانین کۆ رۆژهەڵاتا ناڤەراست و جیهان بگشتی ب رەوشەکا زۆرا ئاورتەدا دەرباز دبیت، ل ڤێ کۆربەندێدا زۆر خەڵکێ ئەکادیمی و سیاسی وبریار بدەست و سەرکردایەتیا حزبێن سیاسی ل ناڤخۆ و دەرڤەیا عێراقێ هاتنە بۆ کۆ دا هزرو بیران ئالوگۆر بکەن و بەحسا چارەسەریا ئاریشان بکەن."
سەرۆکێ حکوومەتا هەرێما کوردستانێ بەحسا وێ یەکێ کر کۆ:"چاڤەرێینە ژ ئەنجامێن ئەڤان گوتوبێژان بەڵکوو پێشنیازێن باش بهێنە پێش."
ئەڤرۆژی ل پانێلا سێ دا، مەسرور بارزانی، سەرۆکێ حکوومەتا هەرێما کوردستانێ، دێ بەحسا گرنگیا پەیوەندیێن ناڤبەرا هەولێرێ و بەغدا و رەوشا دەڤەرێ و رۆژهەڵاتا ناڤەراست و ئەو ئاریشێن دنوکەدا هەین، کەتن.
1
2
3
4
5
6
7
8
