دچارچووڤێ گرنگیدانا کابینەیا نەهێ یا حکومەتا هەرێما کوردستانێ ب بەرهەم و شیانێن خۆمالی و پشتی تمامکرنا رێکارێن یاسایی و کارگێڕی کارگەهەکا دروستکرنا گێچێ ل قەزا سێمێلێ مۆلەتا وەبەرهێنانێ وەرگرت.

فه‌لاح حاجى ، به‌رپرسێ راگه‌هاندنا رێڤه‌به‌ریا گشتى یا وه‌به‌رهێنانێ ل پارێزگه‌ها دهۆكێ بۆ (باسنیوز) دیاركر ل دویڤ نڤێسارا فەرمانا مۆلەتێ یا ژمارە (١٢٨٠/د) کارگەها دهۆک-گێچ وەک پڕۆژەیەکێ پێشەسازی مۆلەتا وەبەرهێنانێ وەرگرتیە کو سەرمایێ پڕۆژەی (٢١.١٨٨.٥٤٢$) بیست و ئێک ملیۆن و سەد و هەشتێ هزار و پێنج سەد و چل و دوو هزار دۆلارن و ژلایێ وەبەرهێنەر (کۆمپانیا راویتە)ڤە هێتە بجهئینان.

ئاشكه‌را كر، پڕۆژە دێ لسەر رویبەرێ (٥٠٠٠٠م٢) هێتە ئاڤاکرن و دێ (١٢)مەهاندا هێتە بجهئینان و پێک دهێت ژ کارگێڕیا پڕۆژەی، کارگەهـ، تاقیگەهـا گێچێ، جهێ تێکەلکرنا کەرەستەیان، جهێ کەرەستەیان، جهێ لێبکرنا گێچێ، جهێ داگرتن و کۆگەهکرنا بەرهەمی، جهێ کرێکارا، یەکەیا چارەسەرکرنا ئاڤا گران، تانکیێن ئاڤێ، پارکا راوەستاندنا ترومبێلان و جادە و کەسکاتی و جهێ موەلیدەیێن کارەبێ ئه‌ڤ پڕۆژە دکەڤیتە قەزا سێمێلێ ل ناحیا فەیدیێ.