قایمقامێ قه‌زا سێمێلێ دیاركر، كاروانێ ئاڤه‌دانیێ ل قه‌زا سێمێلێ یێ به‌رده‌وامه سه‌ر ده‌مێ كابینا نه‌هێ یا حكومه‌تا هه‌رێما كوردستانێ هه‌تا نوكه ب كوژمێ پتر 140 ملیار دیناران پرۆژه ل سێمێلێ هاتینه بجهـ ئینان هنده‌ك پرۆژه كه‌فتینه دخزمه‌تا خه‌لكیدا و كار لسه‌ر هژماره‌كا پرۆژان دهێته كرن ل پاشه‌رۆژى دێ ئه‌نجامێن پرۆژان دیاربن".
خه‌لیل مەحمود، قایمقامێ قه‌زا سێمێلێ بۆ (باسنیوز) راگه‌هاند، كاره‌كێ مه‌زن ل سێمێلێ د وارێ ئه‌نجامدانا پرۆژێن خزمه‌تگوزاری و وەبه‌رهێنانێدا دهێته كرن، هه‌تا 60% پرۆژێن وه‌به‌رهێنانێ یێن پارێزگه‌ها دهۆكێ ل سنۆرێ قه‌زا سێمێلێ دهێنه بجهـ ئینان، نوكه رەزامەندی لسەر 120 پرۆژان هاتیه كرن و پتریا وان هاتنه چێكرن و هژماره‌كا مه‌زن پرۆژێن وه‌به‌رهێنانێ دوارێ بجهـ ئینانێدانه ".
گۆتژى، ئه‌ڤ پرۆژه دوارێ چاندنێدا گه‌له‌ك دهێنه بجهـ ئینان ب تایبه‌تى چێكرنا کوگه‌هێن ساركرنێ بۆ هه‌لگرتنا به‌رهه‌مێن جوتیاران و چه‌ندین پرۆژێن خۆدانكرنا مریشك و ئاژه‌لى ل سێمێلێ دهێنه چێكرن و نوكه كارگه‌هێن ئاری ل سێمێلێ دهێنه چێكرن، هه‌تا پینچ سایلۆیان د وارێ وه‌به‌رهێنانێ دا، چه‌ندین كارگه‌هـ دگه‌ل سایلۆیان هاتینه دروستكرن بۆ بەرهەمێ جوتیاران دێ هژماره‌كا مه‌زن یا ده‌لیڤێن كاركرنێ بۆ خه‌لكێ سێمێلێ په‌یدابن ".
قایمقامێ قه‌زا سێمێلێ ئاشكرا كر، 157 پرۆژه ب كوژمێ پتر 90 ملیار دیناران ل قه‌زا سێمێلێ هاتنه بجهـ ئینان، هنده‌ك پرۆژه كه‌فتینه خزمه‌تا وه‌لاتیاندا و هنده‌ك پرۆژه ژی دقۆناغێن كاركرنێدانه ژبلێ ڤێ ژى بریار هاتیه دان ب 35 ملیار دیناران هژماره‌كا پرۆژێن نوی ل سێمێلێ بهێنه ئه‌نجامدان، نوكه ئه‌ڤ پرۆژه دقۆناغێن ته‌نده‌ر و راگه‌هاندنێ دانه و هه‌می دێ كه‌ڤنه دخزمه‌تا خه‌لكیدا ل هه‌می ده‌ڤه‌رێن سه‌ر ب سێمێلێ ڤه ".
ته‌كه‌ز كر، ل سه‌ر ده‌مێ كابینا نه‌هێ یا حكومه‌تا هه‌رێما كوردستانێ سالا 2021 هه‌تا سالا 2023ێ ب كوژمێ پتر ژ 140 ملیار دیناران پرۆژه ل سێمێلێ دێ هێنه بجهـ ئینان هنده‌ك پرۆژه ته‌مامبوونه و كه‌فتینه دخزمه‌تا خه‌لكیدا و كار ل سه‌ر بجهئینانا هژماره‌كا مه‌زن ژ پرۆژان دهێته كرن، پرۆژه ژی د هه‌می بواراندا دهێنه ئه‌نجامدان، د وارێ په‌روه‌ردێ و ساخله‌می و باژێرڤانی و كاره‌ب و ئاڤێ، پتریا پرۆژان ژی د وارێ چێكرنا جاده‌یان دا دهێنه بجهـ ئینان".
ئاشكرا كر، كار و خزمه‌ته‌كا مه‌زن ل سێمێلێ دهێته كرن و كاروانێ ئاڤه‌دانیێ به‌رده‌وامه ل پاشه‌رۆژێ دێ به‌رهه‌مێ ڤان پرۆژان بۆ خه‌لكێ دیاربیت کۆ دێ گه‌له‌ك گهۆرینێن مه‌زن ل سێمێلێ په‌یدابن و مه‌زنترین پرۆژێن وه‌به‌رهێنانێ ل سێمێلێ دهێنه چێكرن كۆ 75% خه‌لكێ ده‌ڤه‌را سێمێلێ دێ دناڤ ڤان پرۆژان كار كه‌ن ئه‌ڤه ژی دێ ل پاشه‌رۆژێ دیاربیت كا چه‌ند كار و خزمه‌ته‌كا باش گه‌هشتیه ده‌ڤه‌رێ".
قایمقامێ قه‌زا سێمێلێ، گۆت:" ده‌مێ ئه‌ڤ هژمارا مه‌زن یا پرۆژێن خزمه‌تگوزاری و وەبه‌رهێنانێ ب دووماهیک دهێن دێ سێمێل گه‌له‌ك هێته گهۆرێن، ئه‌ز باوه‌ر دكه‌م کۆ هه‌تا چه‌ند سالێن بهێت گهۆرینێن گه‌له‌ك مه‌زن دێ ل قه‌زا سێمێلێ په‌یدابن و كار لسه‌ر مه‌زنترین ده‌ڤه‌را پیشه‌سازى ل سێمێلێ دهێته چێكرن کۆ دێ هه‌می جۆرێن كارگه‌هان دناڤدا هه‌بن".
1
2
3
4
5
6
7
8
