كوردی بادینی عربي
Kurdî English

نووچە گـۆتـــار راپۆرت هه‌ڤپه‌یڤین ئابووری مه‌ڵتیمیدیا لایف ستایل چاند و هونەر
×

ل سەر دەمێ کابینا نەهێ یا حکوومەتا هەرێما کوردستانێ چەندین پروژە ل ناحیا بجیلێ هاتنە بجهئینان

رێڤەبەرێ ناحیا بجیل راگەهاند، چەندین پروژێن گرنگ ل ناحیا بجیلێ یا سەر ب قەزا ئاکرێ هاتنە چێکرن لسەر دەمێ کابینا نەهێ یا حکومەتا هەرێما کوردستانێ هەر ژ سالا ۲۰۲۱ هەتا ۲۰۲۳.

بروا فاروق رێڤەبەرێ ناحیا بجیل بۆ (باسنیوز) راگەهاند، پروژێن کۆ هاتنە بجهئینان ل ناحیێ و دەوروبەرێن وێ ئەڤ پروژەنە، چێکرنا رێکێن نافخۆ یێن گوندێ کەلاتێ ب کۆژمێ (۳۹۱) ملیۆن و چار سەدو نوت و پێنچ هزار دیناران، راکێشانا بوریێن ئاڤێ بۆ سەنتەرێ ناحیێ ب کۆژمێ (۹٦) ملیۆن دیناران، نۆژەنکرنا جوکێن ئاڤێ بۆ سەنتەرێ ناحیێ و زنتا ب کۆژمێ (۱٤) ملیۆن و سەدو نوت و پێنج هزار دیناران، چێکرن و نۆژەنکرنا رێکێن چەند گوندەکێن سەر ب ناحیێ ب کۆژمێ ملیارەک و پێنچ سەدو نوت و دوو ملیۆن و دووسەدو پێنچی هزار دیناران.

هەروەها گوت، هندەک پروژێن دی ژی هاتنە چێکرن وەک راکێشانا تۆرێن ئاڤێ دگەل چێکرنا خەزان و بیرەکا سەتی بۆ گوندێ کێلان و سنیان ب کۆژمێ (۹۲) ملیۆن و (۹٦٦) هزار و دوو سەدو پێنچی دیناران، کولینا بیرەکا ئیرتەوازێ دگەل راکێشانا بوریا خەزانێ بۆ گوندێ ماندیان ژوری ب کۆژمێ (۱٥٨) ملیۆن و (٨۹۱) هزار و (۲٥۰) دیناران.