بەرەڤان حەمدی، بەرپرسێ لقێ 18 یێ پارتی دیموکراتی کوردستان دیار کر، ل ژێر چاڤدێریا د. عەلی تەتەر، پارێزگارێ دهۆکێ فەستیڤالا تەحینێ ل ئامێدیێ دێ هێتە ئەنجامدان و گۆت: "ئەنجامدانا ڤان هەردو فەستیڤالێن بەرهەمێن ناڤخوەیی گرنگیەکا زۆر هەبوویە بۆ خەلکێ دەڤەرێ، ژ بەرکو، ئەڤ دەڤەرە یا زەنگینە ب بەرهەمێن ناڤخوەیی، لەو ئەڤ فەستیڤالە ژى دێ وەکەت، کو پتر گرنگی ب چاندنێ و جۆتیاران و گوندان و گەشتوگوزارێ بهێتەدان".
ناڤهاتى دیار ژى کر، ئەڤە ئێکە ژ سیاسەتا وانا، کو بەرێ خەلکەکی بکەڤیتە بەرهەمێن ناڤخوەیی و گوندان و گۆت: "ئەڤان فەستیڤالان وەکر، کو خەلکەکێ زۆر قەستا ڤێ دەڤەرێ بکەت و ڤەژاندنەک بکەڤیتە دەڤەرێ و تێکەلیەکا کەلتۆری ل گەل تێکەلیەکا هونەری و ل گەل ساخکرنا بەرهەمێن خۆمالی دروست ببیت".
گۆتژى: "بڕیارە ل مەها بهێت فەستیڤالا تەحینێ ل ژێر چاڤدێریا پارێزگارێ دهۆکێ و دەڤەردارێ ئامێدیێ، ل ئامێدیێ بهێتە ئەنجامدان".
1
2
3
4
5
6
7
8
