ل گۆرەی راپۆرتەکآ بلومبەرگ(Bloomberg )، دبیت رووسیا و چین تەنها فایدەکەرێ گرژیێن غەزە بن. ئەمریکا و رۆژئاڤا پشتی داگیرکرنا ئەفغانستان و عێراق باوەری و رێز ل سەر ئاستێ نێڤدەولەتی حەتا رادەیەک زێدە ژ دەست داینە.

هێرشا ٧ ئوکتوبەرێ ل سەر ئیسرائیلێ ژیک، ئیسرائیل ئێخستیە ل سەر دووریانەکێ، کو هەر بژارەیەک ژ بژاردەیا دی خرابترە. دەرسێن ژ داگیرکرنا ئەفغانستان و عێراقێ ژیک ل پێش چاڤێن جوهیانە و گەلەک تەحلن.

رووسیا کو حەتا نوکە نە دیارە کو ب راستی دەستەک د هێرشا حەماسێدا هەبوویە، لێ ب پشتراستیڤە کەیف خوەشە کو چاڤێ دنیایێ ژ ئوکرانیە دکەڤیتە سەر شەرەک دی کو، ئەمریکا و رۆژئاڤا مەجبور دکەت فوکوزا خوە تا رادەیەک زێدە بێخنە ناڤچەیا نفوزا تەقلیدیا ئەمریکا دا.

ل دەمێ درێژیا شەر، ئەمریکا و رۆژئاڤا وێ مەجبور ببن، زێدەتر هاریکاریا لەشکەریا ئیسرائیل بکەن و دوی دەمی دا دێ هاریکاریا وان بۆ ئوکرانیا کێمتر بیت. رووسیا هەر ئێکسەر پشتەڤانیا خوە بۆ دۆزا فەلەستینی دیار کر و چارەسەریا دوو دەولەتی. ئەڤە ژیک دلسۆزیا موسلمانان و عەرەبان بۆ رووسیا پاشخوەڤە هێلات.

ئیرانێ ژیک ب فرۆتنا درۆنێن پێشکەفتی هاریکاریا رووسیا کر دشەرێ ئوکرانیا دا ل هەمبەر هاریکاریا ئیسرائیل و تورکیا بۆ ئازەربایجانێ ل هەمبەر ئەرمەنیا هەڤپەیمانێ رووسیا.

چین و ئێکەتیا سۆڤیەف ددیرۆکێدا بەردەوام پشتەڤانیا خوە بۆ پرسا فەلەستینیان ل بەر دژاتیا ئەمریکا هەبوونە.

ل گۆرەی رویتەرز (Reuters)چین کو مژیلی چێکرنا قایشەکا ئابوریا و رێکا درێژا ئابوریە ل سەرتانسەری جیهانێ، ئەڤ شەرە وەک دەرفەتەک خوەش بۆ هاتنا زێدەتر یا ولاتێن موسلمان بۆ ناڤ پرۆژێن خوە یێن نێڤدەولەتی کو ملیاران دۆلار لێ مەزاختنە دبینت ب تایبەتی ل باشورا سەر زەڤی.

رۆژنامەیا گاردیان( The Guardian )یا بەریتانی دیار دکەت کو چین دخوازت ب ڤان پرۆژێن خوە و ئابوریا ب هێز و ئایدۆلوژیا خوە ببیتە بژاردەیەک ب هێز ل هەمبەر ئەمریکا و چێکرنا جیهانا فەرە چەمسەری( multipolar world order) ئارمانجا سەرەکیا چینە.