ئەڤرۆ دێ ل زانکۆیەکێ دوماهیک دەرمالا قوتابیێن ساڵا 2022 هێتە دابەشکرن و بەرپرسەکێ ژی ئاشکرا کر، رەزامەندیا مەزاختنا دەرمالا شەش هەیڤێن ئەڤ ساڵە هاتیە وەرگرتن.
سەرمەند بەرزنجی، رێڤەبەرێ کارگێریا زانکۆیا پۆلیتەکنیکی یا هەولێرێ بۆ (باسنیوز) راگەهاند:" بەری نووکە دەرمالێن هەیڤا 9و11و12 بۆ سالا خاندنا 2022 هاتبوونە دابەشکرن، تنێ هەیڤا 10مابوو و ئەڤرۆ دێ هێتە دابەشکرن."
سەرمەند بەرزنجی،ئاشکراکر:" جڤاتا وەزیران و دارایی رەزامەندی ل سەر مەزاختنا ئێک ملیار و 981 ملیۆن و 572 هزار دیناران بۆ شەش هەیڤان دایە ژ هەیڤا 1 هەتا 6 یا ساڵا 2023.
دەرمالێن قوتابیێن ناڤ باژێران 40 هزارن و قوتابیێن دەرڤەی باژێران ژی 60 هزار دینارن.
د. کامران یونس، سەرۆکێ زانکۆیا سەڵاحەددین بەری نوکە بۆ (باسنیوز) راگەهاندبوو:" دەرمالا قوتابیان بریارەک بوو ژلایێ مەسرور بارزانی، سەرۆکێ حکوومەتا هەرێما کوردستانێ، دەرچوویە کۆ وەک پشتەڤانیەکە بۆ قوتابیان."
ژ ڤێ بریارا حکوومەتێ هەیڤانە زێدەتر ژ 113 هزار قوتابێن زانکۆ و پەیمانگەهێن هەرێما کوردستانێ دێ مفاداربن.
د. عەبدولفەتاح عەبدولرەزاق، برێکارێ وەزارەتا خاندنا بلند و ڤەکولینا زانستی راگەهاند:" بۆ ساڵا خاندنا 2021-2022، حەفت ملیارو 250 ملیۆن دینار هاتنە مەزاختن، بۆ نۆژەنکرنا پشکاناڤخۆ و دەرمالێن قوتابیان و خوێندکاران، بۆ ساڵا خاندنا 2022-2023، ب رەزامەندیا سەرۆکێ حکوومەتا هەرێما کوردستانێ، هەمان بودجە هاتیە تەرخان کرن.
1
2
3
4
5
6
7
8
