1- زێدەبوونا كێشا لەشی دكتور نتالیا پەینینا د ڤی واریدا دبێژیت:" زێدەبوونا کێشا لەشی ئەگەرەکە بۆ گەشەكرنا نەساخی یا شەكرێ و نەساخیێن دل و خوینبەران و گرێ یان، ئەو دوهنێن ل خانێن مێلاکێدا دمینن دێ بیتە ئەگەرێ تێكچونا ساخلەمی یا مێلاکی، د هندەك دەماندا دێ بیتە ئەگەرێ سیروزی یا مێلاکی و ژلایێ هندەك كەسا ژی دێ بیتە ئەگەرێ ئاریشێن مەترسیدار".

2- دەرمان و تەمامكەرێ خوارنان "خوارنا تەمامكەرێ خوارنێ و ڤیتامینا بێی جوداهی، هەروەسا ڤەخارنا دەرمانێ دژە زیندوویی و ئازارشكێن و ڕێگری ل دووگیان بونا زارەكی و پاراسیتول ژی ب زێدەیی، دێ بیتە ئەگەرێ نەساخی یا مێلاکی و ژەهربوونێ ب رەنگەکێ مەترسیدار و ل هندەك رەوشاندا مەترسی لسەر ژیانا ئەوی كەسی چێبیت".

3- ڤەخارنا كهولییان "هەمی ڤەخارنێن كهولی مەترسینە بۆ مێلاکی، ئێک ژەم زێدەتر ژ 40 گرام ئیتانۆل بۆ زەلامان مەترسیدارە، زێدەتر ژ 20 گراما ژی بۆ ئافرەتان مەترسیدارە، ڤەخارنا بەردەوام یا كهولی دێ بیتە ئەگەرێ تووشبوون ب نەساخی یا كهولی یا مێلاکی، كو ل دیماهیکێدا دێ بیتە ئەگەرێ نەساخی یا سیرۆزیس".

4- ئەو خوارنێن کو دەولەمەندن ب دوهنێ ئاژەلی و دوهنێ ترانس " ئەڤ دوهنە كو ئاستێ كولیسترولێ (زیان بەخش) بلند دکەت، دێ بنە ئەگەرێ تووشبوون ب نەساخیێن مێلاکی و دل و خوینبەران و زێدەکرنا ئاستێ فروكتوز، ئەڤە ژی بەشدارە ل دروستبوونا نەساخی یا دوهنێ مێلاکا نە كهولی".

5- "زۆر گەشەكرنا بەكتریایێن رێخولێ" دێ بیتە ئەگەرێ نەساخیێن مێلاکی "ئەڤ حالەتە ژبەر ب کارئینانا بێ جوداهی یا دژە زیندەیی و خراپی یا خوارن و كێمیا ریشالێن خوارنان بیت و زیانەکا راستەراستا نەرێنی لسەر جەستێ چێکەت".