نوژدارەکێ نەساخی یێن هناڤا ئاشکرادکەت، کۆ هەر دەما كەشوهەوا دهێتە گوهەرتن نەساخی یێن وەرزی چێ دبن و بەحسا چاوانییا خۆ پاراستن ل وان نەساخیان ژی دکەت.

د. ئازاد مەنتك، نوژدارێ پسپورێ نەساخی یێن دل و هناڤا، لدۆر گوهەرتنا كەشوهەوای و باندۆر لسەر نەساخی یێن وەرزی، کۆ دگەل گۆهەرتنا پلەیا گەرمێ زۆر دبن، بۆ (باسنیوز) گوت :" دبێژنە ڤان نەساخیان رشتەیا كۆئەندامێ هەناسە، ئەگەرا وێ ژی بەكتریا و ڤایرۆسن، بەلێ پرانیا وان ڤایرۆسن، ب تایبەت ڤایرۆسا ئەنفلەوەنزا، كو ب درێژاهییا سالێ هەیە، بەلێ ژبەر گۆهەرتنا كەشوهەوای، گوهەرتنا شێوازێ ژیانا خەلکی و زۆرییا جەنجالی و زۆربوونا ژمارا رونشتڤانان، ئەڤ نەساخیە د زێدەبونێدایە.

نوژدارێ ناڤهاتی، لدۆر خۆپارێزی د ڤی وەرزیدا، گووت ژی، مەرج نینە هەر نەساخیەکا کۆ مرۆڤ دڤی وەرزیدا تووش دبیت، ئێكسەر دەرمانێ ئەنتیبایۆتیكی بكار بینیت، بەلکو خوارنا ساخلەم، رێكخستنا خەوێ، گەلەکا پێتڤییە ژبەرکۆ دێ مرۆڤی ژ ڤان نەساخیان پارێزیت."

دبێژیت: "هەر دەما مرۆڤ تووشی تایێ هات، دڤێت ئاڤ و شلەمەنی گەلەک بهێنە ڤەخارن، ئەگەر زۆر پێتڤی بوو دڤێت دەرمانێ کێمکرنا تایێ بۆ دەمێ سێ رۆژان بهێتە بکارئینان، ئەگەر ئەو تا ژ پێنج رۆژان بێتربوو، دڤێت سەردانا دكتۆری بهێتەکرن، هەتا ئەگەران دەستنیشان بكەت.“