ل دهۆکێ سێیەم کەس ب پەتایا کۆرۆنایێ گیانێ خۆ ژدەست دا
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

ل دهۆکێ سێیەم کەس ب پەتایا کۆرۆنایێ گیانێ خۆ ژدەست دا

 

په‌یڤدارێ رێڤه‌به‌ریا ساخله‌میا قه‌زا ئاكرێ مرنا سیێه‌م كه‌س ب پەتایا كۆرۆنایێ ل قه‌زا ئاكرێ یا سه‌ر ب پارێزگه‌ها دهۆكێ ڤه‌ راگه‌هاند.

سه‌باح زوهێر، په‌یڤدارێ رێڤه‌به‌ریا ساخله‌میا قه‌زا ئاكرێ بۆ (باسنیوز) دیاركر: "دره‌نگه‌ شه‌ڤا ده‌رباز بووى، ژ ئه‌گه‌رێ تۆشبون ب پەتایا كۆرۆنایێ ل قه‌زا ئاكرێ، كه‌سه‌كێ دژیێ 66 سالیێ دا گیانێ خۆ ژده‌ست دایه‌ كۆ خه‌لكێ تاخێ حه‌جى غه‌نى بوویه‌" و گۆت ژى: "دوهى ئه‌ڤ نه‌خۆشه‌ ره‌وانه‌ى نه‌خۆشخانا ئاكرێ هاتیه‌ كرن و نمونه‌ ژێ هاتنه‌ وه‌رگرتن و هه‌ر دره‌نگه‌ شه‌ڤا ده‌رباز بووى ئه‌نجامێن پشكنینا وى ده‌ركه‌فتنه‌ و دیار بوویه‌ كو تۆشى پەتایا كۆرۆنایێ بوویه‌".

په‌یڤدارێ رێڤه‌به‌ریا ساخله‌میا قه‌زا ئاكرێ بۆ (باسنیوز) گۆت ژى: "پشتى ئه‌نجامێن وى ده‌ركه‌فتین كۆ پۆزه‌تیڤ بوون هه‌ر ل ناڤا نه‌خۆشخانێ دا گیانێ خۆ ژ ده‌ست دایه‌ و ئه‌ڤه‌ سێیه‌م حاله‌تێ وه‌غه‌ركرنێ یه‌ ب پەتایا كۆرۆنایێ كۆ شڤێدى ژى دوو كه‌سێن دى گیانێ خۆ ژ ده‌ست دا بوون کو هەردوو کەسە خەلکێ قەزا بەردەرەش بوون و کەسێ سیێ وەغەر کرى خەلکى ناڤا ئاکرێ بوویە".