ركابەرەكەی ئەردۆغان پارتێكی تازە دادەمەزرێنێت
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

ركابەرەكەی ئەردۆغان پارتێكی تازە دادەمەزرێنێت

ركابەرەکەی سەرکۆماری تورکیا لە هەڵبژاردنی سەرۆكایەتی لە ساڵی 2018، دوای جیابوونەوەی لە پاری گەلی کۆماری (جەهەپە)، پارتێكی تازە دادەمەزرێنێت.

موحەڕەم ئینجە، كاندیدی جەهەپە بۆ هەڵبژاردنی سەرۆكایەتی تورکیا لە ساڵی 2018، دوای ئەوەی بێهیوا  بوو لە پارتەكەی و نەیتوانی ببێتە سەرۆكی جەهەپە، پلانی داناوە پارتێكی تازە دابمەزرێنێت و لەورێگەیەوە بچێتە ناو هەڵبژاردنەوە.

موحەڕەم ئینجە لە هەڵبژاردنی رابردووی سەرۆكایەتی تورکیا %36ـی دەنگەكانی توركیا بەدەست هێنا و دواتر کەوتە رکابەریکردنی كەمال كلیچدارئۆغڵوی سەرۆكی حزبەکەی و رایگەیاد، حە ئەو شایانی بوونە بە سەرۆکی حزب.

ئینجە هەموو هەوڵێكیدا تا لە دوا كۆنگرەی جەهەپە، کە هەفتەیەك بەر لە جەژنی قوربانی ئەندام درا، ببێتە ركابەری كلیچدارئۆغڵو، بەڵام ئەندامانی سەركردایەتی رێگەیان نەدا و هەوڵەكانی بێ ئەنجام بوون.

رۆژنامەی (حوریەت)ـی توركی بڵاوی كردووەتەوە، ئینجە لە ناوەڕاستی مانگی 9ـی ئەمساڵ پارتێکی نوێ دروست دەکات و بە تەواوی لە جەهەپە دادەبڕێت.

بەپێی زانیارییە میدیاییەکان، ئینجە لە شاری جۆڵەمێرگ (هەکاری) لە باکووری کوردستان، پارتە نوێیەکەی رادەگەیەنێت و دەیەوێ دەنگی كوردانی باكوور بۆ پارتە تازەكەی رابكێشێت و بڵێت لە توركیا جیاوازی لە نێوان هیچ نەتەوەیەك ناكەم.

كەسێكی نزیك لە ئینجە قسەی بۆ (حوریەت) كردووە و رایگەیاندووە، بنەمای پارتە نوێیەکە (كەمالیستی و چەپە)، هەروەها هەموو ئەو سەركردە و ئەندامانەی لە جەهەپەش توڕەن دێنە ناو ئەو پارتە و خەباتی سیاسی لەوێوە دەست پێدەكەنەوە.