دوو بوومەلەرزە لە گەرمیان روویان دا
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

دوو بوومەلەرزە لە گەرمیان روویان دا

دوو بوومەلەرزە لە دەڤەری گەرمیان روویان دا و شارەزایەکی ئەو بوارەش روونکردنەوە دەدات.

سیروان ساڵح، شارەزای بواری كەشناسی و جوگرافیا لەكەلار، كە ئیدارەی خۆجێی ناوچەكە بۆ رووداوە سرووشتیەكان پشتی پێدەبەستێ، بە (باسنیوز)ی راگەیاند، ئەمڕۆ شەمە 1-8-2020، دوو بوومەلەرزە لە نزیک كەلار روویان دا.

سیروان ساڵح هەروەها رایگەیاند، بوومەلەرزەی یەكەم لە کاتژمێر 11:38 خولەکی پێش نیوەڕۆی ئەمڕۆ بە گوڕیی 3.7 پلەی رێختەر و لە قوڵایی 10 کیلۆمەتری زەوی و لە دووریی شەش کیلۆمەتر لە سەنتەری کەلار، رووی داوە.

هەروەک ئەو شارەزایە رایگەیاند، بوومەلەرزەی دوەم لە کاتژمێر 11:43 خولەک بە گوڕیی 2.9 لە قوڵایی 10 کیلۆمەتریی زەوی، لە رووباری سیروانی داوە.