لەندەن... بەڕێوەبەرێكی نەوتی لەسەر گەندەڵیی عێراق سێ ساڵ زیندانی كرا
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

لەندەن... بەڕێوەبەرێكی نەوتی لەسەر گەندەڵیی عێراق سێ ساڵ زیندانی كرا

بۆ ئیمزاكردنی گرێبەستی نەوتی بەرتیلی داوەتە بەرپرسانی عێراق


پێش كەمێك ئاژانسی هەواڵی (رۆیتەرز) بڵاوی كردەوە كە ئەمڕۆ پێنجشەممە دادگای لەندەن بڕیاری سێ ساڵ زیندانیكردنی بۆ بەڕێوەبەری پێشووی كۆمپانیای ئونا ئۆیڵ دەركرد، بە هۆی ئەوەی لە عێراقدا بۆ دەستكەوتنی گرێبەستی نەوت، بەرتیلی داوەتە بەرپرسانی حكوومەتی عێراق.


بە پێی هەواڵەكەی رۆیتەرز، دادگاكە سێ ساڵ زیندانی بۆ بەڕێوەبەری پێشووی كۆمپانیای راوێژكاریی ئونا ئۆیڵ دەركردووە، ئەمەش دووەم گەورە بەرپرسی كۆمپانیاكەیە لەسەر تێوەگلان لە گەندەڵی لە عێراقدا زیندانی بكرێت.


رۆیتەرز ئاشكرای كردووە كە ئەم بەڕێوەبەرە بەرتیلێكی داوە بۆ وەدەستخستنی گرێبەستێكی نەوتی كە بایی 55 مليۆن دۆلاری ئەمریكی بووە.


تاوانبارەكە ناوی ستیڤن وایتڵییە و تەمەنی 65 ساڵە، دادگا تاوانی بەخشینی نیو ملیۆن دۆلاری وەك بەرتیل بەسەردا ساخ كردەوە.


جێی باسە ماوەی چوار ساڵە لێكۆڵینەوە لەم كەیسەدا دەكرێت، تا ئەمڕۆ گەیشتە ئەنجامی كۆتایی، بەڵام ئەوەی جێی سەرنجە نازاندرێ لە عێراقەوە چ بەرپرسێك نیو ملیۆن دۆلارەكەی وەرگرتووە و بەبێ لێپرسینەوە رزگاری بووە.


پێشتر زیاد عەقل كە هاووڵاتییەكی لوبنانیە و بەڕێوەبەری كۆمپانیاكە بووە لە عێراق، هەمان دادگا بە پێنج ساڵ زیندانی سزای دابوو.