نرخی تکێتی فرۆكە دەبێتە یەك دۆلار و نیو
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

نرخی تکێتی فرۆكە دەبێتە یەك دۆلار و نیو

 

ڕۆژنامەیەكی بەریتانی بەدواداچوونێكی كردووە لەسەر هەرزانبوونی نرخی گەشتكردن بە فرۆكە و رایگەیاندووە كە هەندێك لە هێڵە ئاسمانییەکان نرخی یەك تكێتی گەشتكردنیان كردووەتەوە یەك دۆلار و نیو.

ڕ‌وژنامەی (تەلیگرافی بەریتانی) راپۆرتێكی بڵاوكردۆتەوە لەسەر هەرزانبوونی تکێتی فرۆكەوانی لە وڵاتەكەیان و نووسیوویەتی: "بەهۆی كۆرۆناوە ماوەیەكی زۆر گەشتە ئاسمانییەكان لەسەرانسەری جیهاندا وەستان، لە پاش ئەو وەستانەش هەندێك لە هێڵە ئاسمانییەکان بۆ هاندانی هاووڵاتییان لەسەر گەشتكردن نرخی تکێتی فرۆكەیان هەرزان كردووە و هێڵی فرۆكەوانی بەریتانیاش ئۆفەرێكی پێشكەشی كردووە كە نرخی تکێتەكانی كردۆتە یەك دۆلار و نیو".

رۆژنامەكە ناوی چەند هێڵێكی دیكەی ئاسمانی بەریتانی هێناوە لەوانە (ئیزی جیت و رایان ئایر) كە نرخی تکێتەكانیان كردۆتە 10 دۆلار.

دیفید سكیلیكورن كە بەرپرسێكی كۆمپانیایەكی فرۆكەوانیە بۆ رۆژنامەی (تەلیگراف) دەڵێت: "ئامانج لە هەزرانبوونی نرخی تکێتی فرۆكەكان تەنها بۆ ئەوەیە كە متمانە بۆ ژیان بگەڕێنینەوە و كەشێكی وا بۆ هاووڵاتییان برەخسێنین كە گەشت بكەن".