پاسداران مووشەکی کیشوەربڕ ئاراستەی ئاوەکانی کەنداو دەکات
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

پاسداران مووشەکی کیشوەربڕ ئاراستەی ئاوەکانی کەنداو دەکات

سوپای پاسدارانی ئێران لەچوارچێوەی مانۆڕێکی سەربازی بەناوی (رەسولی ئەعزەم)، چەند مووشەکێکی کیشوەربڕ (بالیستی) ئاراستەی ئاوەکانی کەنداوی عەرەبی دەکات.

عەمید عەباس نیلفرۆشان، یاریدەدەری فەرماندەی سوپای پاسداران و گوتەبێژی مانۆڕەکە، رایگەیاندووە، مانۆڕی رەسولی ئەعزەم بە بەشداریی هێزە دەریایی و ئاسمانییەکانی پاسداران، لە پارێزگای هورمزگان و کەنداوی عەرەبی، ئەنجام دەدرێت.

هەروەک عەباس نیلفرۆشان رایگەیاندووە، مانۆڕەکە بۆ بەهێزکردنی تواناکان و ئاستی بەرگریی سوپای پاسداران و پاراستنی هێڵەکانی گواستنەوەی دەریایی و ئاسمانیی ئێران، ئەنجام دراوە.

لە چوارچێوەی قۆناغی کۆتایی مانۆڕەکە، سوپای پاسداران چەند مووشەکێکی لەژێر زەوییەوە ئاراستەی ئامانجی وەهمی لە ئاوەکانی کەنداوی عەرەبی، کردووە.