ئینستاگرام لە ڕێگەی كامێراوە سیخوڕی بەسەر بەكارهێنەرانیەوە دەكات
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

ئینستاگرام لە ڕێگەی كامێراوە سیخوڕی بەسەر بەكارهێنەرانیەوە دەكات


ئەمڕۆ دووشەممە ماڵپەڕی "The Verge"ی بەریتانی ئاشكرای كرد كە بەكارهێنەرانی ئەپڵیكەیشنی ئینستاگرام هەستیان بەوە كردووە ئەپڵیكەیشنەكە بە نهێنی كامێرای سێڵفیی مۆبایلی بەكارهێنەرانی كارا دەكات و وێنەیان تۆمار دەكات.


ماڵپەڕەكە دەڵێ چەندین بەكارهێنەری ئامێری مۆبایلی "ئایفۆن" كە سیستەمی كاتیی كارپێكردنی iOS 14یان لەسەر مۆبایلەكانیان داناوە، لەو كاتەی خەریكی تەماشاكردنی وێنەكانی ئینستاگرام بوون، مۆبایلەكە ئاگاداری كردوونەتەوە كە كامێرای بەرانبەر "سێڵفی" كارا كراوە و وێنە تۆمار دەكات.


جێی باسە ئەم سیستەمە نوێیەی كارپێكردنی ئایفۆن بە ناوی "iOS 14"، بەكارهێنەر ئاگادار دەكاتەوە لە كارابوونی كامێراكانی یان كارابوونی هەر بەشێكی تری مۆبایلەكە.


تا ئێستا لە وەڵامی ئەم پرسیارەشدا، ئینستاگرام هەڵوێستێكی وەهای پێشان نەداوە، جگە لەوەی گوتوویەتی كە هەڵەیەكی هونەری هەبووە لە ئەپڵیكەیشنەكەیاندا، دەنا كامێراكەیان ناكەوێتە كارەوە، تەنها ئەگەر بەكارهێنەر بیەوێت.