شارباژێڕ.. کرێی وانەبێژان دابەش دەکرێ
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

شارباژێڕ.. کرێی وانەبێژان دابەش دەکرێ

لێپرسراوی ڕاگەیاندنی پەروەردەی شارباژێر ڕایگەیاند، ھەفتەی داھاتوو کرێی وانەبێژی مانگێکی مامۆستایان دابەش دەکرێ و بۆماوەیەکی کاتیش کاری دانان و گواستنەوەی مامۆستایان وەستاوە.

پشتیوان تاڵیب، لێپرسراوی ڕاگەیاندنی پەروەردەی شارباژێر بە (باسنیوز) ی ڕاگەیاند: " ئێستا کاری گواستنەوە،دانانی کاتی،جێگیرکردنی دانانی کاتی، وانەبێژی، بۆ ساڵی خوێندنی ٢٠٢٠ ـ٢٠٢١ بۆ ماوەیەکی کاتی بە بڕیاری وەزارەتی پەروەردە وەستاوە و ھیچ کارێکی تایبەت بەو بابەتانە ڕایی ناکرێت".

گوتیشی: "بڕیارە دوای ڕێکخستنی میلاک و گەیشتنی ڕێنمایی تایبەت لەلایەن وەزارەتی پەروەردەوە دەست بە ڕاییکردنی ئەو کارانە بۆ مامۆستایان بکرێتەوە".

پشتیوان تاڵیب ئاشکراشی کرد ھەفتەی داھاتوو،ڕۆژی یەکشەممە (٢٦ / ٧ / ٢٠٢٠ ) بەڕێوەبەری قوتابخانەکانی سنووری پەروەردەکەمان دەتوانن سەردانی ھۆبەی ژمێریاری بکەن بۆ وەرگرتنی کرێی وانەبێژی مامۆستایان بۆ مانگی ئازاری ئەمساڵ.