وڵاتە پێشكەوتووەكان لە هەر كاتژمێرێكدا یەك ملیار دۆلار قەرز دەكەن
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

وڵاتە پێشكەوتووەكان لە هەر كاتژمێرێكدا یەك ملیار دۆلار قەرز دەكەن

 

بە پێی بەدواداچوونێكی ماڵپەری (ئەلعەرەبییە) وڵاتە پێشكەوتووەكان رووبەڕووی قەرزێكی گەورە هاتوون و لە هەر كاتژمێرێكدا یەك ملیار دۆلار قەرز دەكرێت.

ماڵپەری (ئەلعەرەبییە) راپۆرتێكی لە سەر قەرزی وڵاتە پێشكەوتووەكانی جیهان بڵاوكردووەتەوە و بەشی زۆری زانیارییەكانی ناو راپۆرتەكەی لە توێژینەوەیەكی سندوقی دراوی نێودەوڵەتی وەرگرتووە و لە راپۆرتەكە ئاماژە بەوەکراوە کە لە پێنج مانگی ڕابردوودا وڵاتە پێشكەوتووەكانی جیهان 11 ترلیۆن دۆلار قەرزیان وەرگرتووە واتە دەكاتە 73 ملیار دۆلار لە رۆژێك و یەك ملیار دۆلار لە كاتژمێرێکدا.

لە ڕاپۆرتەكەدا ئەوەش خراوەتە روو، كە بە بەروارد لەگەڵ پێنج ساڵی رابردوودا رێژەی قەرزكردن 70% تێپەڕیووە، ئەمەش بەرزترین قەرزكردنە كە ئێستا وڵاتان دەیكەن.

بە پێی پێشبینییەكانی سندوقی دراوی نێودەوڵەتی ڕێژەی داڕمانی ئابووری تێكرای وڵاتانی جیهان لەم ساڵدا دەگاتە 4.9%.