رێڤەبەرێ‌ وەبەرهێنانێ‌ ل دهۆكێ‌: كی بڤێت دشێت پرۆژێ خوە بۆ دەڤەرا پیشەسازیا خۆراك‌ پێشكێش بكەت
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

رێڤەبەرێ‌ وەبەرهێنانێ‌ ل دهۆكێ‌: كی بڤێت دشێت پرۆژێ خوە بۆ دەڤەرا پیشەسازیا خۆراك‌ پێشكێش بكەت

 

رێڤەبەرێ‌ وەبەرهێنانێ‌ ل دهۆكێ‌ دیاركركو  وەبەرهێنەرێن دهۆكێ‌ ئێدی تووشی  ئاریشا دابینكرنا ئەردی نابن. ئەڤ كێشەیا وەبەرهێنەران هاتە چارەسەركرن. نۆكە هەر وەبەرهێنەرەكێ‌ بڤێت دشێت پرۆژێ‌ خوە ل پیشەسازی پێشكێش بكەت ل دەڤەرا پیشەسازیا خۆراكێ‌ دانێت.

كوردۆ ئێحسان، رێڤەبەرێ‌ وەبەرهێنانێ‌ ل دهۆكێ‌ بۆ (باسنیوز) دیار كر كو: "بەرێ‌ نۆكە دەمێ‌ وەبەرهێنەرەكێ‌ ڤیابا پرۆژەكێ‌ دروست بكەت ئەرد نەدبوو وئاریشەیێن ئەردی دروست دبوون لێ‌  پشتی دوهێی 20/7/2020ێ‌ ب ئامادەبوونا مەسرور بارزانی سەرۆكێ‌ حكومەتا هەرێما كوردستانێ‌ رێورەسمێن دانانا بەرێ بنیاتێ بۆ دەڤەرا پیشەسازی هاتە دانان ئەڤ پرۆژە بوو ئەگەر ئێدی ئاریشا دابینكرنا ئەردی بۆ پرۆژێن وەبەرهێنانێ‌ بتایبەتی ژی بۆ دانانا كارگەه و كۆگەهێن پیشەسازی هاتە چارەسەركرن كو رووبەرێ‌ هزار و 423 دونەمێن ئەردی هاتنە تەرخانكرن بۆ دەڤەرا پیشەسازێ‌ ل سەر دەمێ‌ كابینا نەهێ‌ یا حكومەتا هەرێما كوردستانێ‌ دەست ڤێ‌ پرۆژی ئەستراتیجی و گرنگ بۆ دهۆك و هەموو هەرێما كوردستانێ‌ هاتە كرن".

خۆیا ژی كر كو: “دێ‌ 275 كارگەه و 229 كۆگەه ل دەڤەرا پیشەسازی هێنە دانان. ئەڤ پرۆژە ب دوو قوناغا دا دهێتە بجه ئێنان. هەر وەبەرهێنەرەكێ‌ بڤێت پرۆژەكێ‌ دروست بكەت دشێت ئەردی وەربگریت بۆ هەر مەترەكا ئەردی ژی دێ‌ بتنێ 40 دۆلاری ژ وەبەرهێنەری هێنە وەرگرتن. دێ‌ هەموو خزمەت ناڤ دەڤەرا پیشەسازی دا هەبن. پرۆژەكی زۆر گرنگ وئەستراتیجی یە بۆ پیشڤەبرنا پیشەسازیا خۆراكی ل دەڤەرێ".