چاوی گەورە، بەتایبەت بۆ خانمان یەکێکە لە نیشانەکانی جوانی و خانمان سەرەنجڕاکێش پیشان دەدات. شارەزایانی بواری مکیاج لە ماڵپەڕی فەرمیی (جوان بە)دا روونی دەکەنەوە، ئەگەر دەتەوێ چاوەکانت گەورە و جوان دەربکەون، پێویستە جۆرە مکیاجێکی جیاوازی بۆ بکەی. بۆ نموونە، هیچ کات قەڵەمی رەشی تایبەت بە چاو بەکار مەهێنە، چونکە چاوت بچووکتر دەردەخات لەجیاتی قەڵەمی ڕەش، قەڵەمی رەنگبێژ بەکار بهێنە و لەژێر بژولکی خوارەوەت، واتە بۆ بن خەتی خوارەوەی چاو قەڵەمی ڕەنگی سپی بەکار بهێنە، بەم گۆڕانکارییە و بەم جۆرە مکیاجە چاوەکانت گەورە دەردەکەون.