به‌وێنه‌.. له‌ هه‌ورامان كۆشكێكی كولتووری كرایه‌وه‌‌
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

به‌وێنه‌.. له‌ هه‌ورامان كۆشكێكی كولتووری كرایه‌وه‌‌

"قاوەخانە و کتێبخانەشی تێدایە"

له‌ شاره‌دێی بیاره‌ی سه‌ر به‌ پارێزگای هه‌ڵه‌بجه،‌ كۆشكێكی كولتووری كرایه‌وه‌، كه‌ قاوه‌خانه‌ و كتێبخانه‌شی له‌گه‌ڵه‌ و ڕۆژانه‌ ژماره‌یه‌كی زۆر گه‌شتیار سه‌ردانی ده‌كه‌ن.

دیار ڕه‌شید، خاوه‌نی كۆشكه‌كه‌، له‌باره‌ی ئامانجی دروستكردنی كۆشكه‌كه‌یه‌وه‌‌، به‌‌ (باسنیوز)ی ڕاگه‌یاند: "مانگی یه‌كی ئه‌مساڵ‌ ئه‌م كۆشكه‌ كولتوورییه‌مان درووست كرد، كه‌ كه‌لوپه‌لی كولتووری تێدایه‌، دواتر قاوه‌خانه‌ و كتێبخانه‌كه‌شمان بۆ زیاد كرد و ئێستا سیمایه‌كی جوانی به‌ ناوچه‌كه ‌داوه‌، کە گه‌شتیاران دێنه‌ هه‌ورامان سه‌ردانمان ده‌كه‌ن".

روونیشی كرده‌وه‌: "كۆشكه‌كه‌ چه‌ندین كه‌لوپه‌لی كەلەپووریی تێدایه‌، له‌ناو قاوه‌خانه‌كه‌ش (قاوه‌ی عه‌ره‌بی و توركی، قاوه‌ی قه‌زوان، كاپوچینو، شوكلاته‌ و هۆشوكلێت) هه‌یه‌ و پێشكه‌ش به‌ ئه‌و كه‌سانه‌ ده‌كرێت كه‌ سه‌ردانمان دەکەن، هه‌روه‌ها كتێبخانه‌كه‌‌ش ئه‌و كتێبانه‌ی تێدایه‌، كه‌ له‌لایه‌ن ژماره‌یه‌ك گه‌نجی هه‌ورامانه‌وه‌ له‌ زمانی فارسییەوە وه‌رگیردڕاونەتە سەر كوردی، واته‌ وه‌رگێڕانی گه‌نجانی خۆمانن".

به‌ گوته‌ی دیار، ئامانج له‌ دروستكردنی یەو کۆشکە کولتوورییە ئه‌وه ‌بووه‌ كه‌ ویستوویانه‌ شتێكی جیاواز و جوان له‌ هه‌ورامان دروست بكەن کە ببێته‌ جێی سه‌رهنجی گه‌شتیاران، بۆ ئه‌وه‌ی گه‌شتیاری زۆر سه‌ردانی ناوچه‌كه‌یان بكه‌ن. له‌ ئێستاش به‌رده‌وام خه‌ڵكێكی زۆر سه‌ردانیان ده‌كه‌ن.

به‌ده‌م نیشاندانی كه‌لوپه‌له‌ كولتوورییه‌كانی ناو كۆشكه‌كه‌ی و قاوه‌خانه‌كه‌یه‌وه‌، قسه‌ی بۆ (باسنیوز) ده‌كرد و گوتیشی: "بۆ یه‌كه‌مجاره‌ له‌ هه‌ورامان قاوه‌خانه‌یه‌كی كولتووری بكرێته‌وه‌".