هۆزانڤانه‌كێ دهۆكێ وه‌غه‌را دۆماهیێ كر
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

هۆزانڤانه‌كێ دهۆكێ وه‌غه‌را دۆماهیێ كر

 

به‌رى ده‌مه‌كێ كێم، هۆزانڤانێ به‌رنیاس یێ ده‌ڤه‌را به‌هدینان (سه‌دیق شه‌رو)ى، وه‌غه‌را دوماهیێ كر.

شێرزاد نایف، ئێك ژ كه‌سوكارێن نێزیك ژ هۆزانڤان (سه‌دیق شه‌رو)ى، بۆ (باسنیوز) دا دیاركرن: "به‌رى ده‌مه‌كێ كێم، هۆزانڤانێ به‌رنیاس یێ ده‌ڤه‌را به‌هدینان(سه‌دیق شه‌رو)ى، ل دهۆكێ وه‌غه‌را دوماهیێ كر".

شێرزاد نایف، گۆت ژى: "هۆزانڤانێ خۆدێ ژێ رازى، ده‌مه‌ك درێژه‌ تۆشى نه‌خۆشیه‌كێ بوى، پشتى هه‌ڤریكه‌كا دژوار دگه‌ل نه‌خۆشیێ ، دره‌نگه‌ ئێڤارا ئه‌ڤرۆ رۆژا سێ شه‌مبى رێكه‌فتى 14/7/2020 ل دهۆكێ وه‌غه‌را دوماهیێ كر".

ناڤبرى ئه‌و چه‌نده‌ ژى دۆپاتكر، هۆزانڤان سه‌دیق شه‌رو ده‌مه‌ك درێژه‌ د مه‌یدانا هۆنه‌رێ كۆردى دا خزمه‌تا هونه‌رى كریه‌ و هژماره‌كا ئێكجار زور یا هونه‌رمه‌ندان په‌یڤێن خۆدێ ژێ رازى كرینه‌ ستران و كلیپ كرینه‌ و ناڤبرى خزمه‌ته‌كا مه‌زن پێشكێشێ هونه‌رێ كوردى ب گشتى و ده‌ڤه‌را به‌هدینان ب تایبه‌ت كریه‌ و پشتى هه‌ڤركى دگه‌ل نه‌خۆشیه‌كێ، دره‌نگه‌ ئێڤارا ئه‌ڤرۆ وه‌غه‌را دوماهیێ كر و خاترا خۆ ژ كه‌س وكار و هونه‌رێ خۆ خواست.

هه‌ژى دیاركرنێ یه‌، هۆزانڤانێ خۆدێ ژێ رازى، (سه‌دیق شه‌رۆ) ژ دایك بوویێ سالا 1954 یه‌ و چه‌ندین ساله‌ خزمه‌تا هۆنه‌رێ كۆردى كریه‌ و هوزانێن وى ب رێكا هژماره‌كا هونه‌رمه‌ندێن به‌رنیاس یێن دهۆكێ و ده‌وروبه‌ران بوینه‌ ستران و ل شاشێن كوردى هاتینه‌ به‌لاڤ كرن و بوینه‌ به‌شه‌ك ژ هونه‌رێ كوردى و پشتى هه‌ڤركى دگه‌ل نه‌خۆشیه‌كا دژوار، دره‌نگه‌ ئێڤاریا ئه‌ڤرۆ وه‌غه‌را دوماهیێ كر.