د. عەبدولحەکیم خەسرەو: 500 ملیۆن دینار قەرزمان لە بازرگانان وەرگرتووەتەوە و بەردەوام دەبین
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

د. عەبدولحەکیم خەسرەو: 500 ملیۆن دینار قەرزمان لە بازرگانان وەرگرتووەتەوە و بەردەوام دەبین


سکرتێرى لێژنەى باڵاى جێبەجێکردنى یاساى چاکسازى رایگەیاند 500 ملیۆن دینار قەرزی حکوومەتیان لە بازرگانان وەرگرتووەتەوە و لە پڕۆسەکەش بەردوام دەبن تا وەرگرتنەوەى تەواوى قەرزەکان.


د. عەبدولحەکیم خەسرەو سکرتێرى ئەنجوومەنى لێژنەى باڵاى جێبەجێکردنى یاساى چاکسازى بە (باسنیوز)ى راگەیاند "دواى دەرچوونى بڕیارى ئەنجوومەنى وەزیران بۆ وەرگرتنەوەى قەرزەکانى حکوومەت لاى بازرگانان، رێکارەکانمان دەست پێکردووە بۆ وەرگرتنەوەى ئەو قەرزە، کە بڕەکەى 820 ملیار دینارە، تا ئێستاش 500 ملیۆن دینارمان لەو قەرزە لە بازرگانان وەرگرتووەتەوە".


راشیگەیاند "پڕۆسەى وەرگرتنەوەى قەرزەکانى حکوومەت بەردەوام دەبێت تا تەواوى ئەو پارەیەى لاى بازرگانانە بۆ خەزێنەى حکوومەت دەگەڕێننەوە، وەرگرتنەوەى قەرزەکانیش بەپێى رێکارى تایبەت دەبێ، ئەگەر هەر کەسێک ئامادە نەبێ ئەو قەرزەى لایەتى بۆ حکوومەتى بگەڕێنێتەوە، ئەوا دەست بەسەر ئەو موڵکەدا دەگیرێ و دەفرۆشرێتەوە، کە وەکو بارمتە لە جیاتى قەرزەکە داندراوە".


ئەوەشى خستەڕوو "وەرگرتنەوەى قەرزەکانى حکوومەت لە بازرگانان یەکێکە لە هەنگاوەکانى جێبەجێکردنى پڕۆسەى چاکسازی، کە لە سەرەتاى ئەم مانگەوە چووەتە بوارى جێبەجێکردن و چەندین سێکتەر لەخۆ دەگرێت".