كوردی عربي بادینی
Kurdî English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
×

هەتا نۆكە هزار و 700 كچ و خورتێن ئێزدی ژلایێ گرۆپێن چەكدار ڤە یێن هاتینە رەڤاندن

بەرپرسێ‌ نڤیسینگەها رەوشەنبیری و راگەهاندنێ‌ لقێ‌ 17 یێ‌ پارتی‌ دیموكراتی كوردستان ل قەزا شنگال دیار كر كو پشتی كارەساتا شنگال هەتا نۆكە هزار و 700 كچ و خورتێن ئێزدیان ژلایێ‌ گرۆپێن چەكدار ڤە ل شنگال یێن هاتینە رەڤاندن.

ئیدریس زۆزانی، بەرپرسێ‌ نڤیسینگەها رەوشەنبیری و راگەهاندنێ‌ لقێ‌ 17 یێ‌ پارتی‌ دیموكراتی كوردستان ل قەزا شنگال بۆ (باسنیوز) دیار كر كو: "پشتی كارەساتا شنگال، هزار و 700زارۆك و كچ و خۆرتێن ئێزدی بتایبەتی ژی یێن دبن ژیێ‌ 18 سالیدا یێن هاتینە رەڤاندن ژلایێ‌ گرۆپێن چەكدار ڤە، یێن نۆكە ناڤ شنگالدا كار دكەن. ئەڤە هەموو یێن برینە دناڤ فێرگەهێن خوەدا بۆ هندێ ل سەر سیاسەتا خوە پەروەردا بكەن بەهانەیا وێ‌ چەندێ دێ پاراستنا شنگال كەن لێ‌  كچ و خۆرتێن ئێزدی دهێنە خەپاندن. هەتا نۆكە بۆ شنگال چوو نەكرینە بتنێ زیان گەهاندینە شنگال".

خۆیا ژی كر كو: "هەر دەمەكێ‌ گرۆپێن چەكدار بزانن هندەك كچ و خورتێن ئێزدی هەنە حەز دكەن خوە ژ وان دوور بكەڤن ورێزێن وان بجه بهێلن ئەو گرۆپ گەفان ل وان دكەن و رێگریێ‌ دكەن".

ئاشكەرا كر كو نوكە هێزێن پەكەكی و یەپەشە و یەپەكە و هێزێن حەشدا عەشائیری و حەشدا شەعبی ل شنگال هەنە.