كارگەی دۆشاوی تەماتەی هەریر لە ئەمڕۆوە دەست بە وەرگرتنی تەماتەی جووتیاران دەكات
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

كارگەی دۆشاوی تەماتەی هەریر لە ئەمڕۆوە دەست بە وەرگرتنی تەماتەی جووتیاران دەكات

"هەر کیلۆیەک تەماتە بە 200 دینار لە جووتیاران وەردەگرین"

بەڕێوەبەری كارگەی دۆشاوی تەماتەی هەریر رای گەیاند بە ئامانجی پاڵپشتیكردنی جووتیاران لە ئەمڕۆ یەکشەممە 2020.7.12ەوە دەست بە وەرگرتنی تەماتە لە جووتیاران دەكەین كە ئێستا وەرزی پێگەیشتنیەتی لە هەرێمی كوردستان و بازاڕێكی ئەوتۆشی نییە.

لوقمان حەسەن بەڕێوەبەری كارگەی دۆشاوی تەماتەی هەریر بە (باسنیوز)ی راگەیاند: " ئێستا وەرزی پێگەیشتنی تەماتەیە لە هەرێمی كوردستان، بەڵام بەرهەمی جووتیاران لە پێداویستی ناوخۆیی زیاترە و هیچ بازاڕێكی دیكەش نییە بۆ ساغكردنەوەی ئەو بڕە زۆرە، بۆیە وەكوو پاڵپشتییەك بۆ جووتیارانی سنوری پارێزگای هەولێر لە ئەمڕۆوە دەست دەكەین بە وەرگرتنی بەروبوومی تەماتە".

راشی گەیاند: "هەوڵەكانیان چڕ كردووەتەوە بۆ بەكارخستنەوەی كارگەی دۆشاوی تەماتەی هەریر، بەڵام لانیكەم مانگێكی دیكە پێویستە بۆ ئەوەی بخرێتەوە كار و بتوانێت بەرهەمی هەبێت، بەڵام ئێمە وەكوو پاڵپشتی جووتیاران لە ئەمڕۆوە بەرهەمەكانیان لێ وەردەگرین و كۆگای دەكەین، تا ئەوكاتەی كارگەكە بەتەواوی دەكەوێتەوە كار".

بەڕیوەبەری کارگەی ئاوی تەماتەی هەریر روونیشی كردەوە: "ئێستا تەماتە لە بازاڕ نرخێكی كەم دەكات، بەڵام ئێمە بە زیاتر لە نرخی بازاڕ تەماتە لە جووتیاران وەردەگرین و بۆ هەر كیلۆیەك تەماتە 200 دیناریان پێ دەدەین، بۆ ئەوەی جووتیاران زەرەرمەند نەبن و بتوانن لە پیشەی جووتیاری بەردەوام بن".

لوقمان حەسەن ئەوەشی خستە ڕوو: "كارگەكە جگە لە دروستكرنی دۆشاوی تەماتە دەتوانێت بەشی تازەشی بۆ زیاد بكرێت و لەوانەش ترشیی تەماتە و شەربەتی تەماتە و چەندین گیراوەی دیكە، كە ئەمەش لە قازانجی جووتیاراندایە".