درهنگه ئێڤاریا ئهڤرۆ رۆژا شهمبى، ل سهنتهرێ قهزا بهردهرهش سهر ب پارێزگهها دهۆكێ ڤه، كهسهك د ژیێ (55) ب چهند ب چهند گولهیێن كلاشینكۆڤێ هات كۆشتن و كهسێ رۆیدان درۆستكرى بۆ جههك نهدیار رهڤیه.
عهمید سهعدى بهرزنجى، رێڤهبهرێ پۆلیسێن قهزا بهردهرهش بۆ (باسنیوز) دا دیاركرن: "درهنگه ئێڤاریا ئهڤرۆ رۆژا شهمبى ل دهمژمێر(7:00) ئێڤارى ل قهزا بهردهرهش كهسهك دژیێ (55) سالیێ دا یه ، ژلایێ چهند كهسێن دى ڤه ، ب چهند گۆلهیێن كلاشینكۆڤێ هاتیه كۆشن و ههر ئێكسهر وى كهسى گیانێ خۆ ژ دهست دایه".
رێڤهبهرێ پۆلیسێن قهزا بهردهرهش ئهو چهنده ژى دیاركر: "ئهڤ كهسێ هاتیه كۆشتن دیاره كێشهیهكا كۆمهلایهتى ههبوویه و بهرى (7) سالان ل ههولێرێ تۆشى كێشهیهكێ بوویه كۆ كێشه (خویندارى) بوویه، و هندهك كهسان ژى دیاره دهمهكه چاڤدێریا وى كریه تا كۆ ئهڤرۆ رۆژا شهمبى، ل سهنتهرێ قهزا بهردهرهش چهند گولهیێن كلاشینكۆڤێ ئاراستهى وى كرینه و كۆشتیه".
ناڤبرى ئهو چهنده نهڤهشارت: "ههر ئێكسهر وى كهسى گیانێ خۆ ژ دهست دایه و تهرمێ وى بۆ نۆژداریا داد یا دهۆكێ هاتیه رهوانهكرن و د ههمان دهم دا ئهو كهسێن رویدان درۆستكرى بۆ جههكێ نه دیار رهڤینه و خۆ رادهستى مه نهكریه و پهرێن ڤهكۆلینێ لدور رویدانێ دهستپێكرینه".