كوردی عربي بادینی
Kurdî English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
×

دۆر تاپۆكرنا خانیێن زێده‌گاڤیان پارێزگارێ دهۆكێ ئاگه‌هداریه‌كێ به‌لاڤ دكه‌ت


نێزیكى 25 هزار خانیێن زێده‌گاڤى ل سه‌رانسه‌رى پارێزگه‌ها دهۆكێ هه‌نه‌. ئه‌ڤرۆ رۆژا پێنج شه‌مبى رێكه‌فتى 9/7/2020 د.عه‌لى ته‌ته‌ر نێروه‌یی، پارێزگارێ دهۆكێ د كۆنگره‌یه‌كێ رۆژنامه‌ڤانى دا ئاگه‌هداریه‌كێ به‌لاڤ دكه‌ت و ژ هند خه‌لكێ دخازیت زووترین ده‌م ده‌ست ب برێڤه‌برنا مامه‌لێن تاپۆكرنا خانیێن خۆ بكه‌ن.

د.عه‌لى ته‌ته‌ر نێرۆەیی،پارێزگارێ دهۆكێ د كۆنگره‌یێ رۆژنامه‌ڤانى دا دیاركر: "یا خۆیایه‌ هژماره‌كا زۆر یا خانیان ب شێوه‌یێ زێده‌گاڤى ل سه‌رانسه‌رى پارێزگه‌ها دهۆكێ هاتنه‌ ئاڤاكرن و ل دویڤ یاسایا هژماره‌ 3 یا سالا 2019 یا په‌رله‌مانێ كوردستانێ لدۆر تاپۆكرنا خانیێن زێده‌گاڤى ل سنورێ هه‌ر باژێرڤانیه‌كێ، مه‌ ل پارێزگه‌ها دهۆكێ لێژنه‌كا بلند پێكئینایه‌ كۆ ئه‌ز بخۆ سه‌رپه‌رشتیێ لێ دكه‌م و قایمقام چه‌ند رێڤه‌به‌رێن دیتر ژى دگه‌ل مه‌ د هه‌ڤپشكن و كۆمبوون مه‌ ل سه‌ر ڤى بابه‌تى ئه‌نجام دایه‌ ژ پێخه‌مه‌ت وێ چه‌ندێ ئه‌و خانیێن زێده‌گاڤى بهێن تاپۆكرن لێ تاپۆكرن بتنێ بۆهند خانیێن دیاركرى هه‌یه‌ ئه‌وێن د مێژوویه‌كا دیاركرى دا هاتینه‌ ئاڤاكرن".

پارێزگارێ دهۆكێ ئاماژه‌ ب وێ چه‌ندێ ژى دا: "ئه‌و خانیێن به‌رى رێكه‌فتى 13/3/2018 هاتینه‌ ئاڤاكرن، دێ ئه‌و هه‌موو خانیه‌ ب یاسایێ هێنه‌ تاپۆكرن كۆ ئه‌و یاسایه‌ تایبه‌ته‌ ب تاپۆكرنێ ڤه‌ و ژ په‌رله‌مانێ كۆردستانێ ده‌ركه‌فتیه‌".

ناڤبرى ئاماژه‌ ب وێ چه‌ندێ ژى دا: "مه‌ داخاز ژ قایمقام و باژێرڤانیێ كریه‌ ب هه‌مو شیان ڤه‌ دگه‌ل خه‌لكێ هاریكار بن و خه‌لكه‌كێ زۆر ب تاپۆكرنا ئه‌ڤان خانیێن زێده‌گاڤى دێ مفادار بن دهه‌مان ده‌م دا، هه‌ر خانیه‌كێ پشتى رێكه‌فتێ 13/3/2018 هاتبیته‌ ئاڤاكرن، ئه‌و خانیه‌ زێده‌گاڤى بوویه‌ و جارێ نۆكه‌ دا چ باسێ تاپۆكرنا وان نینه‌ و هه‌ر زێده‌گاڤیه‌كا ل سنورێ پارێزگه‌ها دهۆكێ لسه‌ر مولكێ حكوومه‌تێ هاتبیته‌ كرن ، دێ لدیڤ یاسایێ هێنه‌ چاره‌سه‌ر كرن و دڤێت یاسا سه‌روه‌ر بیت".

د.عه‌لى ته‌ته‌ر، پارێزگارێ دهۆكێ ئه‌و چه‌نده‌ گۆت: "داخازێ ژ خۆدانێن وان خانیان دكه‌ین تا كۆ لرێكه‌فتێ 10/10/2020 بچن داخازیا خۆ پێشكێشى قایمقامیێ بكه‌ن تا كۆ مامه‌لێن وان یێن تاپۆكرنێ بهێنه‌ ئه‌نجام دان و گۆتژى: حكوومه‌تا به‌رێ یا سه‌دام حسێن زۆرداریه‌كا مه‌زن ل خه‌لكێ مه‌ كریه‌ ژ وێ زۆرداریێ خه‌لكێ مه‌ ل گوندان ڤه‌گۆهاستنه‌ كۆمه‌لگه‌هان و ئه‌و مولكێن خه‌لك لێ ئاكنجى بووین مولكێ هندەك كه‌سێن دیترن و ب ڤێ چه‌ندێ خه‌لكێ وان هه‌مو گوندان زه‌ره‌مه‌ند بوویه‌ و مولكێ وان ل گوندێن وان ژ ده‌ستێ وان ده‌ركه‌فتیه‌ و هه‌ولده‌ین ئه‌ڤان جۆره‌ك كێشه‌یان ژى لدیڤ یاسایێ چاره‌سه‌ر بكه‌ین".

د به‌رسڤا پرسیاره‌كا په‌یامنێرێ باسنیوز دا، پارێزگارێ دهۆكێ دوپاتى ل وێ چه‌ندێ ژى كر: "ل سه‌رانسه‌رى پارێزگه‌ها دهۆكێ نێزیكى 25 هزار خانیێن زێده‌گاڤى هاتینه‌ درۆستكرن‌ و دێ كار ل سه‌ر هژماره‌كا زۆر هێته‌ كرن كۆ بهێنه‌ تاپۆكرن و دیسان هه‌ر خانیه‌كێ لدویڤ دیزاینێ بكه‌ڤیته‌ ناڤا كه‌سكاتیێ باژێرى دا دێ هێنه‌ قه‌ره‌بووكرن".