كوردی عربي بادینی
Kurdî English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
×

موقتەدا سەدریش داوای سزادانی بكوژانی هیشام هاشمی دەكات

دەڵێ ناتوانن بە كوشتنی هاشمی دەمی هەقبێژان ببەستن


دوای ئەوەی لە دوێنێ شەوەوە سەرجەم لایەنە سیاسی و میلیشیاییەكانی عێراق كوشتنی هیشام هاشمی چاودێری سیاسییان سەركۆنە كرد، بە میلیشیاكانی حەشدی شەعبیشەوە، ئەمشەو موقتەدا سەدر ڕێبەری سەدرییەكان و میلیشیای سەرایا سەلامیش داوای سزادانی بكوژانی هاشمی كرد.


پێش كەمێك موقتەدا سەدر لە هەژماری خۆیدا لە تۆڕی كۆمەڵایەتیی "تویتەر" نووسیویەتی "نابێ كوشتنی قێزەونانەی برای شەهیدمان هیشام هاشمی بەبێ سزادان تێپەڕێت".


هەروەها هۆشداری دا لەوەی وڵاتەكە بەرەو ئاقاری توندڕەوی بخزێندرێ و گوتی عێراق ئێستا پێویستی بە ئاشتیە.


سەدر دووپاتیشی كردووەتەوە كە كوشتنی هاشمی نابێتە هۆی دەمبەستنی هەقبێژان.


ئەمەش لە كاتێكدایە دوێنێ شەو هاشمی لەبەردەم ماڵەكەیدا لە گەڕەكی زەیونەی بەغدا، لە كۆڵانێكی قەرەباڵخی شارەكە لەبەر چاوی خەڵك لەلایەن چەند چەكدارێكەوە گوللەباران كرا، ئاماژەی زۆریش هەن كە لەلایەن یەكێك لە میلیشیاكانی حەشدی شەعبییەوە كوژراوە.