لە سنووری پردێ جووتیارێكی كورد لەلایەن داعشەوە ڕفێندرا
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

لە سنووری پردێ جووتیارێكی كورد لەلایەن داعشەوە ڕفێندرا

لە سنووری ناحیەی "پردێ"ی سەر بە پارێزگای كەركووك، جووتیارێكی كورد لەلایەن چەكدارانی داعشەوە ڕفێندرا.

بەپێی زانیارییەكانی (باسنیوز) كە لە ناوچەكەوە وەری گرتووە، درەنگانی شەوی ڕابردوو 6/7/2020، لە گوندی (كۆڵدەرە)ی سەر بەناحیەی پردێ، چەند چەكدارێكی داعش هاووڵاتییەكی كوردیان بە ناوی (فازڵ محەمەد كەیم) تەمەن 70 ساڵ، كە پیشەی جووتیارە، بۆ شوێنی نادیار ڕفاندووە.

ئەوەش زانراوە كە تا ئەمڕۆ سێشەمممە 7/7/2020، ڕفێندراوەكە هیچ پەیوەندییەكی بە كەسوكارەكەیەوە نەكردووە و چارەنووسی نادیارە.

لەمبارەیەوە، (باسنیوز) پەیوەندی كرد بە ڕاید هەڤاڵ محەمەد، بەرپرسی بەشی لێكۆڵینەوە لە بنكەی پۆلیسی پردێ، بەڵام پەیوەندییەكان بەردەست نەبوو.