خێرخوازێك تەماتەی جووتیارانی هەرێمی كوردستان دەكڕێتەوە
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

خێرخوازێك تەماتەی جووتیارانی هەرێمی كوردستان دەكڕێتەوە

دوێنێ دووشەممە جووتیارانی هەرێمی كوردستان بەهۆی ساغنەبوونەوەی بەرهەمی تەماتەیان، ناڕەزاییان دەربڕی و تەماتەکانیان هەڵڕشتە سەرشەقام و ئەمەش جووتیارانی هەرێمی كوردستان تووشی نیگەرانی کردووە و خێرخوازێک بڕیاری داوە تەماتەی جووتیارانی کوردستان بکڕێتەوە.

كوێستان محەمەد قایمقامی قەزای خەبات بە (باسنیوز) ی ڕاگەیاند: "دوای ئەوەی دوێنێ جووتیارانی هەرێمی كوردستان ناڕەزایی زۆریان دەبڕی لە بەرامبەر نەكڕینی بەرهەمەكانیان تایبەت بەرهەمی تەماتە، خێرخوازێك لەسەر پێشنیاری خۆی داوای كرد گشت بەرهەمی تەماتەی جووتیارانی بكڕێتەوە".

گوتیشی: "سندووقی بە سێ هەزار دینار و هەر سندووقێك 15 كیلۆ بێت و دواتریش دێت لە كەمپەكان و گەڕەگە هەژارنیشنەكانی سنووری قەزای خەبات دابەشی دەكات".

ڕاشی گەیاند: "ئەم بەرنامەیە لە سبەی چوارشەممە 2020.7.7 كاتژمێر چواری بەیانی دەست دەكات بە كڕینی بەرهەمەكە بۆ ماوەی دوو ڕۆژ دەخایەنێت لە سنووری قەزای خەبات، ڕۆژانی دواتریش دەچێتە شوێنی تر، بەڵام ئێمە وەك قەزای خەبات لە ئەمڕۆوە ئامادەكارییەكانمان دەست پێ كردووە.