هێزێكی سوپای عێراق لە سنووری كفری تەقەیان بەسەر هێزەكانی پێشمەرگەدا كرد
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

هێزێكی سوپای عێراق لە سنووری كفری تەقەیان بەسەر هێزەكانی پێشمەرگەدا كرد

پێشمەرگە ڕێگەی نەدا هێزەكانی عێراق بنكەیەكی سەربازی لە نزیك كفری دابنێن

هێزەكانی سوپای عێراق لە سنووری شاری كفری كە بەشێكە لە ئیدارەی گەرمیان، تەقەیان بەسەر هێزەكانی پێشمەرگەدا كرد، بەهۆی ئەوەی ڕێگەیان پێنەدرابوو بنكەیەكی سەربازی بكەنەوە.

كەمال ئیبراهیم، بەرپرسی لێژنەی ناوچەی قەرەتەپە و جەبارەی پارتی دیموكراتی كوردستان بە (باسنیوز)ی راگەیاند، ئەمڕۆ دووشەمە ٦ی تەمووزی ٢٠٢٠، سوپای عێراق بە بیانووی پاراستنی سنووری كفری و دەوروبەری، بە بەكارهێنانی هێزێك، بەنیاز بوون لە نزیك شاری كفری بنكەیەك بكەنەوە“.

ئەوەشی ئاشكرا كرد كە پێشمەرگە رێگەی پێ نەداون ئەو بنكەیە دابنێن، هەرچەندە ”ئەوان تەقەیان بەسەر هێزەكانی پێشمەرگەدا كردووە“.

ئەو بەرپرسەی پارتی ئاماژەی بەوەش كرد كە ”هێزەكانی عێراق خۆیان لاوازن و ناوچەكانی خۆیان پێ ناپارێزرێت، چۆن سنووری كفری دەپارێزن؟".

ئەمە لە كاتێكدایە كە شەوی ڕابردوو لە سنووری شاری كفری، پۆلیسێكی فریاكەوتن ڕفێندرا كە گومان دەكرێت لە لایەن تیرۆریستانی داعشەوە ڕفێندرابێت.