لە کەرکووک سێ داواکراو دەستگیر کران
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

لە کەرکووک سێ داواکراو دەستگیر کران

"پلانی کوشتنی ئەفسەر و کارمەندانی پارێزگاکەیان هەبووە"

بەڕێوەبەرایەتی پۆلیسی کەرکووک دەستگیرکردنی سێ داواکراوی ڕاگەیاند کە پلانی کوشتنی ئەفسەر و کارمەندانی پارێزگاکەیان هەبووە.

بەڕێوەبەرایەتی پۆلیسی پارێزگای کەرکووک، لە ڕاگەیەندراوێکدا کە دوێنێ ٥/٧/٢٠٢ بڵاوی کردووەتە و وێنەیەکیشی بۆ (باسنیوز) نێردراوە، ڕای گەیاندووە: "هێزێکی نووسینگەی فەرماندەی پۆلیسی کەرکووک، سێ داوکراویان دەستگیر کردووە کە بەپێی مادەی ٤ی تیرۆر لەلایەن دادگای لێکۆڵینەوەی حەویجەوە، فەرمانی گرتنیان بۆ دەرچووە".

بەپێی ڕاگەیەندراوەکە: "دەستگیرکراوەکان دەستیان کردووە بە ڕێکخستنەوە لەناو پارێزگای کەرکووک و مەفرەزەی تیرۆرکردنی ئەفسەر و کارمەندانی پارێزگاکەیان پێکەوە ناوە".

لە ڕاگەیەندراوەکەدا ئاماژە بەوەش دراوە "دەستگیرکراوەکان بەنیاز بوون چەکی بێدەنگ بهێننە پارێزگاکەوە بۆ جێبەجێکردنی پلانەکانیان".