كوردی عربي بادینی
Kurdî English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
×

ل سێ زالگه‌هێن دهۆكێ پشكنینێن كۆرۆنایێ دهێنه‌ كرن

 

به‌رپرسێ وه‌رگرتنا نموونه‌یێن پشكنینا كۆرۆنایێ ل ساخله‌میا دهۆكێ دیاركركو: "نۆكه‌ ل سێ زالگه‌هێن پارێزگه‌ها دهۆكێ پشكنینێن كۆرۆنایێ دهێنه‌ كرن بۆ وان كه‌سێن به‌ره‌ڤ پارێزگه‌ها دهۆكێ دهێن".

د. عه‌بدولا حسێن خه‌له‌ف، به‌رپرسێ وه‌رگرتنا نموونه‌یێن پشكنینا كۆرۆنایێ ل ساخله‌میا دهۆكێ بۆ (باسنیوز) دیاركركو: "نۆكه‌ كارێ پشكنینا كۆرۆنایێ ل زالگه‌ها به‌دریكێ و زالگه‌ها حسێنیێ و زالگه‌ها كه‌له‌ك هاتیه‌ زێده‌تركرن. هه‌ر شوفێره‌كێ به‌ره‌ڤ پارێزگه‌ها دهۆكێ بهێت پشكنینا كۆرۆنایێ بۆ وی شوفێرى دهێته‌ كرن. هه‌تا ئه‌نجامێن پشكنینێ ژى دیارنه‌بن رێك ب وی شوفێرى ناهێته‌ دان به‌ره‌ڤ دهۆكێ بهێت وده‌مێ ئه‌نجام دیاربن ژنۆكه‌ دێ رێك پێ هێته‌ دان بهێته‌ دهۆكێ. ئه‌ڤه‌ كارە ژى بۆ زێده‌تر زالبوون لسه‌ر كۆرۆنایێ دهێته‌ كرن داكو بشێن سنۆرداربكه‌ین".

خۆیا ژى كركو ئه‌و جهێن لسه‌ر رێیا ناڤبه‌را پارێزگه‌ها مووسل و دهۆكێ دا كار دكه‌ن بۆ هه‌موویان پشكنینا كۆرۆنایێ هاتیه‌ كرن بتایبه‌تى ژى هه‌ر ژ زالگه‌ها به‌دریكێ هه‌تا دگه‌هته‌ قه‌زا سێمێلى هه‌موو جه هاتینه‌ پشكنین كرن كو هه‌ر ژ ده‌ستپێكێ هه‌تا نها پتر ژ 13 هزار سامپلان ژ جهێن جۆدا هاتینه‌ وه‌رگرتن بۆ پشكنینا كۆرۆنایێ.