هۆشیار عەبدوڵا ڕووبەڕووی كاروان ساڵح نەبووەوە و بە بێدەنگی نووسینەكەی سڕییەوە
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

هۆشیار عەبدوڵا ڕووبەڕووی كاروان ساڵح نەبووەوە و بە بێدەنگی نووسینەكەی سڕییەوە

كاروان ساڵح: شاهێدم هەیە هۆشیار عەبدوڵا لەسەر كاری نائەخلاقی لە بەشی ناوخۆیی دەركراوە

ئەندامێكی پێشووتری فراكسیۆنی گۆڕان لە پەرلەمانی كوردستان داوای لە هۆشیار عەبدوڵای پەرلەمانتاری ئێستای بزووتنەوەكە كرد، لەبارەی ئەو زانیارییانەی لەسەری ئاشكرای كردووە، ڕووبەڕووی ببێتەوە، هۆشیار عەبدوڵا بە بێدەنگی نووسینەكەی خۆی سڕییەوە.

ڕۆژی پێنجشەممە ٢ی تەمووزی ٢٠٢٠، كاروان ساڵح بۆ (باسنیوز) ئاشكرای كرد كە هۆشیار عەبدوڵا لە بەشی ناوخۆیی لەسەر كاری نائەخلاقی گیراوە و دواتر دەركراوە. لە بەرامبەریشدا هۆشیار عەبدوڵا نووسینێكی توندی لە تۆڕی كۆمەڵایەتیی (فەیسبووك) بڵاو كردەوە و سووكایەتی و تۆمەتێكی زۆریشی دایە پاڵ كاروان ساڵح.

لە لایەن خۆیەوە دوێنێ هەینی ٣ی تەمووزی ٢٠٢٠، كاروان ساڵح بە (باسنیوز)ی راگەیاند كە ئەو بەڵگەی لەبارەی قسەكانی هەیە و شاهێدی هەیە كە هۆشیار عەبدوڵا لەسەر كاری نائەخلاقی لە بەشی ناوخۆیی دەركراوە. دووپاتیشی كردەوە كە ئەو بۆ قسەكانیشی شاهێدی هەیە و داوای لە هۆشیار عەبدوڵا كرد، ڕووبەڕووی بباتەوە و ”بێت بەڵگەكانی نیشان دەدەم“. تەنانەت گوتی: ”زۆرێك له ‌براده‌رانی گۆڕانیش ئه‌وه‌ ده‌زانن“.

دووپاتیشی كردەوە: ”دەمانزانی هۆشیار عەبدوڵا كەسێكی سیخوڕە و لەپێناو خۆبردنە پێشەوە شتی زۆر خراپ دەكات، چونكە کەسوکاری هۆشیار عەبدوڵا جاش بوون وەك خۆی، ئەو چ قوربانییەكی لە پێناو ئەم وڵاتە داوە؟ من خاوەنی نۆ شەهیدم لە یەكێتی و گۆڕان، ئەی هۆشیار عەبدوڵا چی؟“.

پاش قسەكانی كاروان ساڵح، هۆشیار عەبدوڵا نەك بێدەنگی هەڵبژارد، بەڵكوو هەر بەو بێدەنگییەش نووسینەكەی كە پێشتر لە تۆڕی كۆمەڵایەتیی (فەیسبووك) بڵاوی كردبووەوە، سڕییەوە و بەپێی زانیارییەكانی (باسنیوز)یش، لە چەند ڕێگەیەكەوە هەوڵی داوە كاروان ساڵح و (باسنیوز) كۆتایی بەم باسە بهێنن.

هۆشیار عەبدوڵا یەكێكە لەو چەند پەرلەمانتارە كوردەی كە بە پەرلەمانتارە عێراقچییەكان ناسراون و ئەمڕۆ شەممە ٤ی تەمووزی ٢٠٢٠ (باسنیوز) ئاشكرای كرد كە لەگەڵ (غالب محەمەد و كاوە محەمەد)، سێ پەرلەمانتاری گۆڕانن كە بزووتنەوەكەیان گومانی ئەوەیان لێدەكات، لە لایەن خەڵكێكیترەوە ئاراستە بكرێن.

لەمبارەیەوەشەوە ڕزگار محەمەد، ئەندامی فراكسیۆنی گۆڕان لە پەرلەمانی كوردستان بە (باسنیوز)ی راگەیاند: ”وادەیانبینین كە پەیوەندییان بە گۆڕانەوە نەماوە“.