بەوێنە.. چەند دیمەنێکی کۆنی قەڵای كەركووك
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

بەوێنە.. چەند دیمەنێکی کۆنی قەڵای كەركووك

مێژووی دروستكردنی قەڵای كەركووك، بۆ زیاتر لە چوار هەزار ساڵ پێش ئێستا دەگەڕێتەوە، كە بەپێی بەڵگە مێژوویەكان كورد دروستی كردووە و پێکهاتەی جووش لەسەری ژیاوە.

 بەڵام كاتێك كە سەردەمی عوسمانییەكان لە ساڵی 1500دا ناوچەكە داگیر دەكەن، زمانی فەرمی دەكەنە توركی، ئەوانەی كە پێی دەڵێن گاور قەڵا، كورد و مەسیحی و جووەكانیشیان بە توركمان حیساب كردووە، كاتێک عوسمانییەكان ئیتر جوو لەسەر قەڵا نامێنن و دێنە خوارەوە و بازاڕی قەیسەری دروست دەكەن لە نزیك قەڵا و چەند گەڕەكێك دروست دەكەن تایبەت بە خۆیان و چەند كۆڵانێكی تایبەت بە خۆیان لە شێوەی بازنەیی دروست دەكەن.

تا سەرەتایی ساڵانی نەوەتەكانی سەدەی رابردوو خەڵك لەسەر قەڵا ژیاوە، بەڵام دواتر بەكەڵكی ژیان نەهاتووە و ئێستا قەڵای كەركووك لە وێرانەیەك دەچێت و تا ئێستا نۆژەن نەكراوەتەوە و شارەزایانی مێژووی كوردیش هۆكاری نۆژەننەكردنەوە و بایەخنەدان بە قەڵای كەركووك بۆ ئەوە دەگەڕێننەوە كە دەزانن لە بنەڕەتدا كورد درووستی كردووە و لەسەری ژیاوە، بۆیە دەسەڵاتی ئێستای كەركووك و كاتی بەعسیش بەو هۆیەوە ئاوڕ لە قەڵای كەركووك نەدراوەتەوە.