بهرپرسێ راگههاندنێ ل رێڤهبهریا گشتى یا ساخلهمیا پارێزگهها دهۆكێ دیاركركو ئهڤرۆ ێ ل دهۆكێ تووشبوویهكێ دێ یێن نهخۆشیا كۆرۆنایێ هاته چارهسهركرن.
حهمزه رهزیكى، بهرپرسێ راگههاندنێ ل رێڤهبهریا گشتى یا ساخلهمیا پارێزگهها دهۆكێ بۆ (باسنیوز) دیاركركو: "ئهڤرۆكه نهخۆشهكێ دێ یێ ڤایرۆسێ كۆرۆنایێ ل دهۆكێ دناڤ نهخۆشخانێ دا بوو پشتى ههموو پشكنین بۆ وێ تووشبوویێ هاتینه كرن دیاربوو كو ب تهمامى چارهسهربوویه و ژ ناڤ نهخۆشخانێ هاته دهرخستن ب ڤێ چهندێ هژمارا گشتى یا تووشبوویێن ههتا نوكه هاتینه چارهسهركرن ل دهۆكێ گههشتنه 140 تووشبوویان ههموو هاتینه چارهسهركرن چووینه مالێن خوه".
ل پارێزگهها دهۆكێ ههتا نوكه 177 تووشبوویێن كۆرۆنایێ هاتینه تۆماركرن ژوانا ژى 140 تووشبوویێ هاتینه چارهسهركرن یێن دیتر ناڤ نهخۆشخانێ دا ماینه ههروهسا ههتا نوكه پتر ژ ههشت هزار كهسان هاتینه كهرهنتینكرن وزێدهتر ژ 29 هزار پشكنینان هاتینه ئهنجامدان ورۆژانا پشكنینێن بو كهسین گومانلیكرى دهێنه كرن.