زانست دەیسەلمێنێ، هەندێک لە خواردن و خواردنەوەکان بۆ ژنانی دووگیان گونجاو و تەندروست نیین، چونکە کاریگەریی نەرێنییان هەیە لەسەر گەشەکردنی منداڵەکەیان.
بەگوێرەی زانیارییەکانی پسپۆڕان و پزیشکانی وڵاتی بەریتایا، کە لە گۆڤاری تەندروستیی (سێو) ئاماژەی پێ دراوە، زیادەڕۆییکردن لە خواردنەوەی قاوە لە لایەن ژنانی دووگیانەوە، کاریگەریی نەرێنیی لەسەر کێشی منداڵەکەیان دروست دەکات و لە قۆناغی دانانی منداڵ، کۆرپەکەیان دوای لەدایکبوونی، وەکوو پێویست گەشەی نەکردووە و کێشی جەستەی نائاسایی و کەم دەبێت.