كوردی عربي بادینی
Kurdî English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
×

لە گەرمیان 10 تووشبووی دیکەی ڤایرۆسی کۆرۆنا چاک بوونەوە

"هەتا ئێستا زیاتر لە 170 کەس چاک بوونەتەوە و 15 کەسیش گیانیان لەدەست داوە"

بەڕێوەبەری نەخۆشخانەی گشتیی کەلار تایبەت بە کۆرۆنا، چاکبوونەوەی 10 تووشبووی ڤایرۆسی کۆرۆنای لەسنووری گەرمیان ڕاگەیاند.

د. هاوار وشیار، بەڕێوەبەری نەخۆشخانەی گشتیی کەلار تایبەت بە کۆرۆنا، بە (باسنیوز)ی ڕاگەیاند: "ئەمڕۆ چوارشەممە ١/٧/٢٠٢٠ شەش تووشبووی ڤایرۆسی کۆرۆنا لە گەرمیان چاک بوونەتەوە و گەڕێندراونەتەوە ماڵەکانی خۆیان".

گوتیشی "دوێنێ سێشەممە٣٠/٦/٢٠٢٠یش چوار تووشبووی دیکەی ڤایرۆسەکە چاک بوونەتەوە و گەڕاونەتەوە ماڵەکانی خۆیان".

بەپێی زانیارییەکانی (باسنیوز) تا ئێستا زیاتر لە١٧٠ تووشبووی ڤایرۆسی کۆرۆنا لە سنووری گەرمیان چاک بوونەتەوە و ١٥ تووشبووی دیکەش گیانیان لەدەست داوە.