لە سلێمانی تەرمی ئەفسەرێكی باڵای ئاسایش و خوشكەكەی لە ماڵەكەی خۆیاندا دۆزرایەوە
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

لە سلێمانی تەرمی ئەفسەرێكی باڵای ئاسایش و خوشكەكەی لە ماڵەكەی خۆیاندا دۆزرایەوە

”دە ڕۆژ لەمەوبەر لە ماڵەكەی خۆیدا گیانی لەدەست داوە“

ئێوارەی ئەمڕۆ دووشەممە ٣٠ی حوزیرانی ٢٠٢٠، لە گەڕەکی (گردی جۆگە) لە نزیک بارەگای پێشووی ئاسایشی سلێمانی، تەرمی ئەفسەرێكی باڵای ئاسایش و خوشكەكەی دۆزرایەوە.

بەپێی ئەو زانیارییانەی كە (باسنیوز) لە سەرچاوەیەكی پزیشكی دادی سلێمانییەوە دەستی كەوتووە، تەرمی ئەفسەرێكی باڵای ئاسایش بە پلەی عەقید لەگەڵ خوشكەكەی لە ماڵەكەی خۆیاندا دۆزراوەتەوە و هێزەكانی پۆلیس چوونەتە شوێنی ڕووداوەكە و تەرمی هەردوو هاووڵاتییەكەیان ڕەوانەی پزیشكی دادوەری كردووە.

سەرچاوەكە ڕوونی كردەوە كە پزیشكی دادوەری لێكۆڵینەوە لە هۆكاری گیان لەدەستدانی ئەفسەرەكەی ئاسایش و خوشكەكەی دەكەن، بەڵام ”تا ڕاپۆرتی پزیشكی دادوەری یەكلا نەبێتەوە، ناتوانین هۆكاری گیان لەدەستدانەكەی بە تەواوی دەستنیشان بكەین“.

بەپێی زانیارییەکانی (باسنیوز)، دانیشتوانی گەڕەکی گردی جۆگە هەستیان بە مردنی ئەو دوو هاووڵاتییە كردووە و هێزە ئەمنییەكانی سلێمانییان لێ ئاگادار كردووەتەوە.

بۆ وردەكاریی زیاتر، (باسنیوز) پەیوەندی بە چەند بەرپرسێكی پۆلیس و ئاسایشی سلێمانییەوە كرد، بەڵام هیچ وردەكارییەكیان لەمبارەیەوە ئاشكرا نەكرد.