تۆمارێكی ڤیدیۆیی.. مام جەلال پیلانی پەكەكە بۆ بەدەستەوەدانی هەرێمی كوردستان ئاشكرا دەكا
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

تۆمارێكی ڤیدیۆیی.. مام جەلال پیلانی پەكەكە بۆ بەدەستەوەدانی هەرێمی كوردستان ئاشكرا دەكا

”رۆژنامەنووسان بانگ دەكەن و دەڵێن ئێمە لە كوردستانی عێراقین تا توركیا هێرش بكات“

جەلال تاڵەبانی، سكرتێری پێشووی یەكێتیی نیشتمانیی كوردستان، لە تۆمارێكی ڤیدیۆییدا كە مێژووەكەی بۆ ساڵانی سەرەتای نۆوەدەكانی سەدەی ڕابردوو دەگەڕێتەوە، پیلانی پارتی كرێكارانی كوردستان (پەكەكە) بۆ بەدەستەوەدانی هەرێمی كوردستان ئاشكرا دەكات.
لەو تۆمارە ڤیدیۆییەدا سەركردەیەكی سەربازیی توركیا پرسیار لەبارەی ژمارەی چەكدارانی پەكەكە دەكات و مام جەلالیش دەڵێت: ”بە تەواوی نازانم، بەڵام ئەگەر بێی بۆ کوردستانی عێراق، ئێمە ژمارەکەت بە وردی پێ دەدەین. بانگهێشتتان دەکەین بۆ ئەوێ“.
هاوكات جەخت دەكاتەوە كە ”پەکەکە پرۆپاگەندە دەکات، ئەوان مافی گەلی کورد ڕەت دەکەنەوە و زەرەر بە خەباتەکەمان دەگەیەنن“.
لە بەشێكی دیكەی تۆمارە ڤیدیۆییەكەدا مام جەلال پیلانی توركیا بۆ داگیركردنی هەرێمی كوردستان ئاشكرا دەكات و دەڵێت: ”هەندێك جار پەکەکە بانگی ڕۆژنامەنووسەکانی تورکیا دەکات و نیشانیان دەدات کە ئێمە لە کوردستانی عێڕاقین و بە حکوومەتی تورکیا بڵێن کە ئێمە بنکە و بارەگامان لێرە هەیە و بەو شێوەیەش ببنە هۆی ئەوەی کە توركیا هێرش بکاتە سەر کوردستانی عێراق و زیان بە پەیوەندییەکانی نێوان کوردستانی عێڕاق و تورکیا بگەیەنن“.
ئەوەشی نەشاردووەتەوە كە ئێستا هەموو جۆرە پشتگیری و هاوكارییەكیان لە ڕێگەی توركیاوە پێدەگات، بەڵام ”ئەگەر وابڕوات، سەرجەم ئەو هاوکارییانە دەوەستێنرێن و دەبنە هاوکاری بۆ سەدام حوسێن. بەو بۆنەوە، ئێمە بەڵگەمان لەبەر دەستە کە دەیسەلمێنێت پەکەکە بۆ ماوەی سێ ساڵە مامەڵە لەگەڵ سەدام حوسێن دەکات و پشتگیری دەکەن، هەماهەنگی لەگەڵ ئەو دیکتاتۆرە دەکەن دژی خەڵکی کوردستانی عێراق“.