ل دهۆكێ زارۆكه‌ك د نهۆما 4 دا كه‌فتیه‌ خوار و گیانێ خۆ ژده‌ستدایه‌
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

ل دهۆكێ زارۆكه‌ك د نهۆما 4 دا كه‌فتیه‌ خوار و گیانێ خۆ ژده‌ستدایه‌

دره‌نگه‌ ئێڤاریا ئه‌ڤرۆ رۆژا دووشه‌مبى ل نه‌خۆشخانه‌كا تایبه‌ت ل دهۆكێ، پشتى كۆ زارۆكه‌كا كچ دژیێ (6) سالیێ دا بوو، قه‌ستا نه‌خۆشخانا ناڤبرى كرى بۆ وه‌رگرتنا چاره‌سه‌ریێ، ل نهۆما(4) د په‌نجه‌رێ دا دكه‌ڤیته‌ خار و گیانێ خۆ ژ ده‌ست دده‌ت.


په‌یامنێرێ (باسنیوز) ئه‌و چه‌نده‌ دیاركر ئه‌و زارۆكه‌، كچه‌كا دژیێ (6) سالیێ دا بوو، كوردا ئێزدى بو خه‌لكا ده‌ڤه‌را ئه‌لقوش بۆ، پشتى ئه‌ڤرۆ سه‌ره‌دانا نه‌خۆشخانه‌كا تایبه‌ت ل دهۆكێ كرى بۆ وه‌رگرتنا چاره‌سه‌ریا نه‌خوشیێن (زراڤى) ژ نشكه‌كێ ڤه‌ دچیته‌ به‌ر په‌نجه‌را نهۆما چارێ و د په‌نجه‌رى دا دكه‌ڤیته‌ خوار و تا كۆ دهێته‌ ڤه‌گۆهاستن بۆ نه‌خۆشخانا ته‌نگاڤیا، لێ ژئه‌گه‌رێ سه‌ختیا برینا وێ ، گیانێ خۆ ژ ده‌ست دده‌ت.

دیارکر ژی ژ به‌ر كۆ د نهۆما (4) دا كه‌فتیه‌ خوار و زیانێن زور گه‌هشتنه‌ وێ زارۆكێ و به‌رى بگه‌هیته‌ نه‌خۆشخانا ته‌نگاڤیان ل دهۆكێ گیانێ خۆ ژ ده‌ست دایه‌ و دویڤ دا ته‌رمێ وێ بۆ نۆژداریا داد یا دهۆكێ هاتیه‌ ره‌وانه‌كرن ژ پێخه‌مه‌ت پتر ڤه‌كولین ل سه‌ر لاشێ وێ بهێت كرن و دویڤ دا ته‌رم راده‌ستى كه‌س و كاران هاتیه‌ كرن.