چەند كۆمپانیایەكی جیهانی بۆ نەهێشتنی رەگەزپەرستی دروشمەكانیان دەگۆڕن
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

چەند كۆمپانیایەكی جیهانی بۆ نەهێشتنی رەگەزپەرستی دروشمەكانیان دەگۆڕن


وەك دەربڕینی هاوخەمی بۆ كوژرانی جۆرج فلۆید، ئەو ڕەشپێستەی لەلایەن پۆلیسێكی سپیپێستی ئەمریكییەوە كوژرا، هەروەها وەكو هەوڵێك بۆ نەهێشتنی رەگەزپەرستی، چەند كۆمپانیایەكی جیهانی دروشم و دەستەواژەكانی سەر بەرهەمەكانیان دەگۆڕن.

كۆمپانیای لۆریاڵی فەرەنسی كە تایبەتە بە بواری جوانكاری، بڕیاری داوە لەمەودوا چەند دەستەواژەیەك لەسەر بەرهەمەكانی لاببات، لەوانەش سپی، ئەسمەر و ڕەنگی كراوەی قژ.


هەروەها كۆمپانیای یونیلیفری جیهانی كە تایبەتە بە كەلوپەلەكانی جوانكاری، بڕیاری داوە وێنە و تێكستی سەر بەرهەمێكی خۆی بە ناوی (فەیر ئاند ڵەڤڵی) لابدات، چونكە لە تۆڕە كۆمەڵایەتییەكان هێرشێكی زۆری كرابووە سەر بەهۆی ئەوەی وێنەكانی سەر بەرهەمەكانی ئاماژەن بۆ ڕەگەزپەرستی.


هەندێك لە كۆمپانیا جیهانییەكانیش نەك هەر دەستەواژەكانیان گۆڕیوە، بەڵكو بەشێك لە دروستكردنی بەرهەمەكانیشیان ڕاگرتووە، لەوانەش كۆمپانیای جۆنسون ئاند جۆنسون، بەرهەمی نیتروجینا وكلین ئاند كلێری ڕاگرت.