مەیادە نەجاڕ: وەزیری بازرگانی بەڵێنیی چارەسەركردنی كێشەی پارەی جووتیارانی هەرێمی كوردستانی داوە
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

مەیادە نەجاڕ: وەزیری بازرگانی بەڵێنیی چارەسەركردنی كێشەی پارەی جووتیارانی هەرێمی كوردستانی داوە

"هیچ ڕێگرییەکی یاسایی دو دەستووری بۆ خەرجکردنی پارەی گەنمی جووتیاران نییە"

پەڕلەمانتارێکی كورد لە پەرلەمانی عێراق كە هاوكات ئەندامی لێژنەی ئابووری و وەبەرهێنانە ڕای گەیاند بۆ چارەسەركردنی كێشەی جووتیارانی هەرێمی كوردستان و قەرزی سێ ساڵ كەڵكەبوویان لەگەڵ وەزیری بازرگانیی عێراق كۆ بووینەوە و داوای چارەسەركردنی كێشەی جووتیارانی هەرێمی كوردستانمان لێكرد و نووسراوێكیشمان ئاراستە كرد و بەڵێنیی چارەسەركردنی پێداوین.

لەمبارەوە د. مەیادە نەجاڕ پەرلەمانتاری كورد لە بەغدا لە فراكسیۆنی پارتی بە (باسنیوز)ی ڕاگەیاند: "وەك لیژنەی ئابووری  بۆ چارەسەركردنی كێشەی جووتیارانی هەرێمی كوردستان سەردانی (عەلا جبووری) وەزیری بارزگانیی حكوومەتی عێراقمان كرد و لەبارەی شایستە داراییەكانی جووتیارانی هەرێمی كوردستان كە ماوەی چەند ساڵێكە كەڵكە بووە ناینێرن.كۆبوونەوەیەكمان لەگەڵی ئەنجام دا"

ڕاشی گەیاند: "بە نووسراوێك داوای خەرجكردنی شایستە داراییەكانی جووتیارانی هەرێمی كوردستانمان لە وەزیری بازرگانیی عێراق کرد و ئەویش جەختی لەوە كردەوە كە هیچ ڕێگرییەكی یاسایی و دەستووری نییە بۆ خەرجكردنی پارەی جووتیاران هەرێم بۆ هەر سێ ساڵی (٢٠١٦٫٢٠١٥٫٢٠١٤) ئەویش بەڵێنی چارەسەركردنی ئەو كێشەی پێ داوین".

د. مەیادە نەجاڕ گوتیشی: "لە پێشتر بە بڕیارێكی سیاسی خەرجكردنی ئەو بڕە پارەیە ڕاگیراوە و هەرچەندە پێشووتر فەرمانی خەرجكردنی بۆ دراوە لەلایەن سەڕۆكوەزیرانی پێشووترەوە، بەڵام تا ئێستا جێبەجێ نەكراوە و پێشمان ڕاگەیاند ئەگەر هات و ئەو كێشەیە چارەسەر نەكەن، ئەوا ئێمە وەك نوێنەرانی كورد ڕێگای تر دەگرینە بەر بۆ ئەوەی مافی جووتیارانی هەرێمی كوردستان نەفەوتێت".