پارێزگاری نوێی دهۆک سوێندی یاسایی خوارد
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

پارێزگاری نوێی دهۆک سوێندی یاسایی خوارد

ئەمڕۆ لە رێوڕه‌سمێكدا عه‌لى ته‌ته‌ر، وه‌ك پارێزگارى نوێی دهۆك، لەبەردەم نێچیرڤان بارزانی، سەرۆکی هەرێمی کوردستان سوێندى ياسايى خوارد.

له‌ گوته‌يه‌كدا نێچيرڤان بارزانى، پيرۆزبايی ده‌ستبه‌كاربوونى له‌ پارێزگارى نوێی دهۆك كرد و هيواى سه‌ركه‌وتنى له‌ ئه‌رك و كارى تازه‌يدا بۆ خواست، هه‌روه‌ها ئاماژه‌ى به‌ رابردووى كار و خزمه‌تى سه‌ركه‌وتووانه‌ى كرد، به‌و ئومێده‌ی بتوانێت خزمه‌تى زياترى پارێزگاى دهۆك بكات.

سەرۆکی هەرێمی کوردستان هه‌روه‌ها سوپاس و پێزانينى پێشكه‌ش به‌ فه‌رهاد ئه‌ترووشى، پارێزگارى پێشووى دهۆك كرد، كه‌ له‌ كاتێكى هه‌ستيار و سه‌رده‌مى قه‌يرانه‌كاندا ده‌ستبه‌ركار بووه‌ و له‌گه‌ڵ ئه‌وه‌شدا خزمه‌تێكى به‌رچاوى‌ پارێزگاى دهۆكی كردووه‌ و هيواى سه‌ركه‌وتنى له‌ هه‌ر ئه‌رك و كارێكى تازه‌دا بۆ خواست.

له‌ رێوڕه‌سمه‌كه‌دا كه‌ رێبه‌ر ئه‌حمه‌د، وه‌زيرى ناوخۆی حكومه‌تی هه‌رێمی كوردستان ئاماده‌ى بوو، پارێزگارى نوێی دهۆك دووپاتى كرده‌وه، به‌ هه‌موو توانايه‌ك خزمه‌تی پارێزگاى دهۆك ده‌كات و هه‌موو هه‌وڵێك ده‌دات كار و ئه‌ركه‌كانى به‌ باشترين شێوه‌ جێبه‌جێ بكات.