كتێبەكەی جۆن بۆڵتن وەردەگێڕدرێتە سەر زمانی كوردی
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

كتێبەكەی جۆن بۆڵتن وەردەگێڕدرێتە سەر زمانی كوردی


ئەمڕۆ دووشەممە دەزگای "فام" لە هەولێر رایگەیاند كە دەستیان بە وەرگێڕانی كتێبی "ژووری رووداوەكان"ی جۆن بۆڵتن ڕاوێژكاری پێشووی ئاسایشی نەتەوەیی ئەمریكا كردووە، ئەمەش دوای چەند رۆژێك لە بڵاوبوونەوەی كتێبەكە دێت.


سیروان نەجم كتێبفرۆشی ناو بازاڕی هەولێر لە هەژماری خۆیدا لە تۆڕی كۆمەڵایەتیی "فەیسبووك" بڵاوی كردەوە كە دەزگای فام، بە دەستەیەك وەرگێڕی بە توانا، دەستیان بە وەرگێڕانی كتێبەكەی جۆن بۆڵتن كردووە.


كتێبی "ژووری رووداوەكان، یادەوەرییەكان لە كۆشكی سپیەوە"، چەند مانگێك بەر لە بڵاوبوونەوەی، لەلایەن دۆناڵد ترەمپ سەرۆكی ئەمریكا ڕێگەی زۆر گیرایەبەر بۆ قەدەغەكردنی كتێبەكە و بڵاونەكردنەوەی، بەڵام دواجار بەر لە چەند رۆژێك بۆڵتن كتێبەكەی لە ڕێگەی ئینتەرنێتەوە بڵاو كردەوە.


دەزگای فام بەڵێنی داوە كە هەوڵ دەدەن لە ماوەی كەمتر لە دوو مانگدا، بەر لە وەرگێڕانی كتێبەكە بۆ سەر زۆر زمانی دیكەی جیهان، بە وەرگێڕانێكی جوان و ورد، بە كوردییەكی پاراو و نەخشەڕێژێكی جوان و نایاب دەیخەنە بازاڕەوە و پێشكەشی خوێنەرانیان دەكەن.