بۆ ئامادەبوون لەبەردەم بنكەی پۆلیس سۆران عومەر ئاگادار دەكرێتەوە
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

بۆ ئامادەبوون لەبەردەم بنكەی پۆلیس سۆران عومەر ئاگادار دەكرێتەوە

 

سەرۆكی دیوانی سەرۆكایەتیی پەرلەمانی كوردستان نووسراوێك لەبارەی ئامادەبوونی پەرلەمانتارێكی كۆمەڵی ئیسلامیی كوردستان لەبەردەم بنكەی پۆلیسی خانەقا لە هەولێر دەنێرێتە نووسینگەی سلێمانیی پەرلەمانی كوردستان.

بە گوێرەی نووسراوێك كە ڕۆژی ٢٨ی حوزەیرانی ٢٠٢٠ لە لایەن ئەردەلان محەمەد، سەرۆكی دیوانی پەرلەمانی كوردستانەوە ئاراستەی نووسینگەی سلێمانیی پەرلەمان كراوە، ئاماژە بە نووسراوێكی دادگای لێكۆڵینەوەی هەولێر كراوە و هاوپێچیش پسوولەی ئاگاداركردنەوە بۆ سۆران عومەر، پەرلەمانتاری فراكسیۆنی كۆمەڵ نێردراوە.

هاوكات ڕوون كراوەتەوە كە دەبێت سۆران عومەر لە بنكەی پۆلیسی خانەقا لە هەولێر ئامادە بێت و وێنەی دووەمی پسوولەی ئاگاداركراوەكەشیان بە واژۆكراوی بۆ بنێرنەوە.

ڕۆژی ٧ی ئایاری ٢٠٢٠، لە كۆبوونەوەیەكی پەرلەمانی كوردستان بە زۆرینەی دەنگ، بڕیار درا پارێزبەندی لەسەر سۆران عومەر، پەرلەمانتاری كۆمەڵی ئیسلامیی كوردستان هەڵبگیرێت لەبارەی چوار دۆسیە كە یەكێكیان دۆسیەی بێسەروشوێنكردنی ڕۆژنامەنووس محەمەد سیاسیی ئەشكەنەییە.