ملیاردێرێكی رووسیا وێنەی كچەكانی ڤلادیمێر پوتینی بڵاو كردەوە
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

ملیاردێرێكی رووسیا وێنەی كچەكانی ڤلادیمێر پوتینی بڵاو كردەوە


ملیاردێرێكی ڕووسیا دوای ئەوەی كێشەی لەگەڵ ڤلادیمێر پوتین سەرۆكی ڕووسیا پەیدابوو، ژمارەیەك وێنەی تایبەتی كچەكانی پوتینی بڵاو كردەوە.


ڕۆژنامەی "دەیلی مەیڵ"ی بەڕیتانی نووسیویەتی سێرگی بوگاشیف ملیاردێری ڕووسی، كە پێشتر یەكێك بووە لە هاوڕێ نزیكەكانی پوتین و ئێستاش ناكۆكیان لە نێواندا هەیە، دوایین كاری لە دژی پوتین ئەوەیە كە ژمارەیەك لە وێنەی تایبەتی كچەكانی بڵاوكردووەتەوە.


تووڕەبوونی ئەو ملیاردێرە ڕووسیە لەو كاتەدا دێت كە هەفتەی ڕابردوودا لەبەردەم دادگادا دۆسیەیەكی گەورەی دۆڕاند و ناچار كرا بڕی 13,66 ملیۆن دۆلاری ئەمریكی وەك سزا ببژێرێت، هەندێك پێیانوایە كە پوتین دەستی لەم كارەدا هەبووە.


لەوەتەی پوتین بووەتە سەرۆكی ڕووسیا، ئەمە یەكەم جارە وێنەی تایبەتی دوو كچەكانی "ماریا و كاترینا" لە تۆڕە كۆمەڵایەتییەكاندا بڵاوبێتەوە، چونكە پێشتر پوتین پێداگر بوو لەسەر ئەوەی وێنە و ژیانی تایبەتی كچەكانی بە هیچ شێوەیەك لە میدیاكان باس نەكرێ.