چەمچەماڵ.. لە ئەنجامی ئاگرێک 300 دۆنم پووش و پاوان سووتا
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

چەمچەماڵ.. لە ئەنجامی ئاگرێک 300 دۆنم پووش و پاوان سووتا


پۆلیسی دارستان و ژینگەی سلێمانی ڕایدەگەیەنێت، ئەمڕۆ لە سنووری قەزای چەمچەماڵ 300 دۆنم پووش و پاوان و لەوەڕگەی سنوورەکە سووتا.


عەمید هێمن کەمەرخان گوتەبێژی پۆلیسی دارستان و ژینگەی پارێزگای سلێمانی، بە (باسنیوز) ی ڕاگەیاند: "ئەمڕۆ چوارشەممە بە هۆکارێکی نادیار ئاگرێكی فراوان کەوتەوە لە چیای (تەوەکەل) لە سنووری ناحیەی ئاغجەلەر-ی سەر بە قەزای چەمچەماڵ، کە بووە هۆی سووتانی نزیکەی 300 دۆنم پووش و پاوان و لەوەڕگای سنوورەکە".

ڕاشیگەیاند: "بە مەبەستی کوژاندنەوەی ئاگرەکە مەفرەزەیەکی بنکەی پۆلیسی دارستانی ئاغجەلەر گەیشتنە شوێنی مەبەست و توانیان بە هاوکاری لەگەڵ بنکەی ئاگرکوژێنەوەی ئاغجەلەر و هاووڵاتیانی سنوورەکە ئاگرەکە کۆنتڕۆڵ بکەن".