بەوێنە.. لە قەزای سۆران زیاتر لە 50 دۆنم زەوی بە برنجی خۆماڵی داچێندراوە
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

بەوێنە.. لە قەزای سۆران زیاتر لە 50 دۆنم زەوی بە برنجی خۆماڵی داچێندراوە

ئەمساڵ جووتیارانی دەڤەری سۆران بە شێوەیەكی بەرچاو ڕوویان كردووەتە بەرهەمهێنان و داچاندنی برنجی خۆماڵی لە سنوورەكەدا.

حەكیم عەبدوڵا، بەڕێوەبەری كشتوكاڵی سۆران، بە (باسنیوز)ی راگەیاند: "ئەوەی جێگەی دڵخۆشییە ئەمساڵ جووتیارانی سنوورەكەمان بایەخێکی زۆریان بە بەرهەمهێنانی كشتوكاڵی داوە، یەكێك لەو بەروبومانەش داچاندنی زیاتر لە 50 دۆنم زەوییە بە برنجی خۆماڵی، ئەوەش بە شێوەیەكی گشتی كاریگەریی باشی دەبێت لەسەر بووژانەوەی ئابووریی ناوچەكە".

بەڕێوەبەری كشتوكاڵی سۆران، گوتیشی: "بە شێوەیەكی بەردەوام جووتیاران و بەروبومە كشتوكاڵییەكانی سنوورەكەمان بەسەر دەكەینەوە و هانی جووتیارانمان دەدەین، كە بەردەوام بن لەسەر بەرهەمهێنانی كشتوكاڵی لەپێناو پشتبەستن بە بەربومی ناوخۆیی".