لە سۆران هەڵمەتی دابەشكردنی ماسك بەرێوەچوو
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

لە سۆران هەڵمەتی دابەشكردنی ماسك بەرێوەچوو

ئەمڕۆ پێنجشەممە وەك زۆربەی شارەكانی تری هەرێمی كوردستان، لە شاری سۆران لەلایەن بەرپرسانی حكومی و ڕێكخراوەكانی كۆمەڵگەی مەدەنی، لە هەڵمەتێكدا ژمارەیەكی زۆر ماسك بەسەر هاووڵاتییاندا دابەش كرا.


لەمبارەیەوە عەلی شەریف سەرۆکی تۆڕی ڕێکخراوەناحکومیەکانی سۆران بۆ (باسنیوز) گوتی وەك تۆڕی ڕێکخراوەکانی ناحكومی سۆران، بەئەركی سەرشانی خۆمانزانی لەگەڵ تیمی بەرەنگاربوونەوەی پەتای كۆرۆنا لە قائیمقامیەتی سۆران و فەرمانگەكانی حكومی شارەكە لە هەڵمەتی دابەشكردنی ماسك بەسەر هاوڵاتیان بەشداربین.


ئاماژەی بۆ ئەوەش كرد كە لە ژێر رۆشنایی ڕێنماییەکانی حکومەتی هەرێمی كوردستان لە هەڵمەتەكەدا كە بریتی بوو ئاگاداركردنەوەی هاوڵاتیان لە ھوشیاری خۆپارێزی لە پەتای کۆڕۆنا، لەلایەن قائیمقامی سۆرانەوە راگەیەندرا كە بە پێکەوەیی خەڵک و حکومەت، کاسبی دەکەین، خزمەت دەکەین، عیبادەت دەکەین، خۆشمان دەپارێزین.


گوتیشی ئێمە وەک تۆڕی ڕێکخراوە ناحکومیەکانی سۆران ئامادەین لە ڕۆژانی داهاتوو بەردەوام دەبین لە بڵاوكردنەوەی هۆشیاری و ڕێنمایی تەندرووستی لە سەرجەم شارو شارۆچکەکان.


پێش نیوەڕۆی ئەمڕۆش، كرمانج عزەت قائیمقامی سۆران بە باسنیوزی راگەیاندبوو كە
لەو هەڵمەتەی كە ئەمڕۆ بە بەشداری بەڕێوەبەران و بەشێك لە كارمەندانی دامودەزگاكانی ئیداریی و رێكخراوەكانی كۆمەڵگەی مەدەنی دەستیان پێكردووە بەمەبەستی هاندانی هاوڵاتیان بۆ خۆپارێزیان زیاتر لە ١٠ هەزار ماسك بەسەر هاوڵاتیان دابەش دەكەن.